அன்னபூரணி : புயல், மழையிலும் வசூல்!

அன்னபூரணி படம் திரைக்கு வந்த 2 நாளிலே ரூ.1.5 கோடி வசூலை குவித்துள்ளது.

இந்திய திரையுலகின் முன்னணி நடிகையான லேடி சூப்பர் ஸ்டார் நயன்தாரா தற்போது, இயக்குனர் நிலேஷ் கிருஷ்ணா இயக்கத்தில் ‘அன்னபூரணி’ என்ற படத்தில் நடித்துள்ளார். இந்த படம் கடந்த வெள்ளி கிழமை அன்று திரைக்கு வந்தது.

அன்னப்பூரணி படத்துடன் வெளிவந்த மற்ற படங்களை குறிப்பிடும்போது அன்னபூரணி படம் நல்ல வரவேற்பை பெற்றுள்ளது என்றே சொல்லலாம்.

இப்படம் ரிலீஸ் ஆன முதல் நாளில் வெறும் ரூ.60 லட்சம் மட்டுமே வசூலித்து இருந்தது. இதற்கு காரணம் மழை தான். சென்னை, காஞ்சிபுரம், திருவள்ளூர் ஆகிய மாவட்டங்களில் மழை வெளுத்து வாங்கியதால் விமர்சன ரீதியாக நல்ல வரவேற்பு இருந்தாலும், தியேட்டரில் இப்படத்திற்கு வரவேற்பு குறைவாகவே இருந்தது.

இந்த நிலையில், அன்னபூரணி படத்தின் இரண்டாம் நாள் வசூல் நிலவரம் வெளியாகி உள்ளது. அதன்படி இப்படம் இரண்டாம் நாளில் ரூ.90 லட்சம் வசூலை வாரிக்குவித்து உள்ளது.

இதன்மூலம் 2 நாட்களில் ரூ.1.5 கோடி வசூலித்துள்ளது இப்படம். புயல், மழைக்கு மத்தியிலும் நயன்தாராவின் படம் பாக்ஸ் ஆபிஸில் பிக் அப் ஆகி உள்ளதால் படக்குழுவினர் உற்சாகம் அடைந்துள்ளனர். இன்று விடுமுறை தினம் என்பதால் இப்படத்தின் வசூல் மேலும் அதிகரிக்கும் என எதிர்பார்க்கப்படுகிறது.