அசாம் மாநிலம் கவுகாத்தி பகுதியில் இன்று அதிகாலை 3.5 ரிக்டர் அளவில் மிதமான நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
அசாம் மாநிலத்தில் இன்று லேசான நிலநடுக்கம் உணரப்பட்டது. மாநிலத்தின் கவுகாத்தி பகுதியில் இன்று அதிகாலை 5.42 மணிக்கு லேசான நிலநடுக்கம் ஏற்பட்டது. இந்த நிலநடுக்கம் ரிக்டர் அளவுகோலில் 3.5 ஆக பதிவானது.
நிலநடுக்கத்தின் மையப்புள்ளி ஐந்து கிலோ மீட்டர் ஆழத்தில் உணரப்பட்டது. அப்பகுதியில், லேசான அதிர்வுகள் உணரப்பட்டதால், மக்கள் அச்சம் அடைந்தனர்.
இந்த நிலநடுக்கத்தால், ஏற்பட்ட சேதம் குறித்து இதுவரை எந்த தகவலும் வெளியாகவில்லை.
