மேட்டுப்பாளையம் பகுதியில் தொடர்ந்து மழை பெய்து வருவதால், சுற்றுலா பயணிகளின் பாதுகாப்பு கருதி, மேட்டுப்பாளையம் – ஊட்டி மலை இரயில் சேவை ரத்து செய்யப்படுவதாக இரயில்வே நிர்வாகம் அறிவித்துள்ளது.
மேட்டுப்பாளையம் பகுதியில் கடந்த சில நாட்களாக தொடர்ந்து மழை பெய்து வருகிறது. தாழ்வான இடங்களில் தண்ணீர் தேங்கி உள்ளது. இதனால், சுற்றுலா பயணிகளின் பாதுகாப்பு கருதி மேட்டுப்பாளையம் – ஊட்டி மலை இரயில் சேவை ரத்து செய்யப்படுவதாக இரயில்வே நிர்வாகம் அறிவித்துள்ளது.
ஏற்கனவே, மண் சரிவு ஏற்பட்டு, மலை இரயில் சேவை இயக்கப்படாமல் இருந்தது. இரயில் பாதை சரிசெய்யப்பட்டு, இன்று முதல் மலை இரயில் சேவை தொடங்க இருந்தது. இந்த நிலையில், மழையின் காரணமாக, மீண்டும் இரயில் சேவை ரத்து செய்யப்பட்டுள்ளது.
இன்று மலை இரயிலில் செல்வதற்கு ஆர்வத்துடன் வந்த சுற்றுலாப் பயணிகள் ஏமாற்றமடைந்தனர்.
