ஸ்ரீநகரில் நேற்று இரவு மைனஸ் 5.3 டிகிரி வெப்ப நிலை பதிவாகியுள்ளது. இதுவே இந்த சீசனனின் மிகவும் குளிரான இரவாகவும் உள்ளது.
ஜம்மு & காஷ்மீரில் உள்ள ஸ்ரீநகரில் நேற்று இரவு மைனஸ் 5.3 டிகிரி வெப்ப நிலை பதிவாகியுள்ளது. இதுவே இந்த சீசனனின் மிகவும் குளிரான இரவாக உள்ளது. டிசம்பர் 11 ஆம் தேதி அதாவது திங்கட்கிழமை அன்று மைனஸ் 4.8 டிகிரி வெப்ப நிலை பதிவாகியிருந்த நிலையில் நேற்று இரவு மைனஸ் 5.3 டிகிரி பதிவாகியுள்ளது.
தெற்கு காஷ்மீரில் உள்ள அமர்நாத் யாத்திரைக்கான அடிப்படை முகாமான பஹல்காமில் குறைந்தபட்ச வெப்பநிலை மைனஸ் 1.5 டிகிரி செல்சியஸாக பதிவாகியுள்ளது.
அதேபோல் ரிசார்ட் நகரமான குல்மார்க்கில் மைனஸ் 3.5 டிகிரி செல்சியஸ்ஸும், காசிகுண்டில் மைனஸ் 2.6 டிகிரி செல்சியஸ் வெப்பநிலையும் பதிவாகியுள்ளது. கோகர்நாக் மற்றும் குப்வாராவில் மைனஸ் 2 டிகிரி செல்சியஸ் வெப்பநிலை நிலவியது.
காஷ்மீரில் 40 நாட்களுக்கு மிகவும் கடுமையா குளிர்காலம் நிகழும் இதற்கு உள்ளூரில் சில்லாய் காலன் அல்லது சில்லா-இ-காலன் என்று பெயர்வைத்துள்ளார். இந்த சில்லாய் காலன் தொடங்குவதற்கு முன்பு டிசம்பர் 16 ஆம் தேதி வரை காஷ்மீர் பகுதி வறண்ட பூமியாகக் காணப்படும் என்று வானிலை ஆய்வுமையம் கூறியுள்ளது.
கடுமையான குளிர்காலத்தில் காஷ்மீரில் உள்ள நீர்நிலைகள், இக்கானிக் தால் ஏரி உட்பட அனைத்தும் உறைந்துவிடும், குழாய்களில் உள்ள நீர் கூட பனியாக மாறிவிடும். அதேபோல் காஷ்மீரில் உள்ள உயர்ந்த இடங்களில் தான் அதிகமான பனி ஏற்படுகிறது.
காஷ்மீரில் குளிர் காலம் மூன்றாகப் பிரிக்கப்பட்டுள்ளது. இதில் ‘ சில்லாய் காலன் ‘ என்பது டிசம்பர் 21 அன்று தொடங்கி ஜனவரி 30 அன்று முடிவடைகிறது. அதனைத் தொடர்ந்து 20 நாட்களுக்கு ‘சில்லாய் -குர்த்’ ஆரம்பம் ஆகிறது. அது முடிவடைந்த பிறகு அடுத்த 10 நாட்கள் ‘சில்லாய் -பச்சா’ ஆரம்பம் ஆகிறது.
