யோகி பாபு நடித்து வரும் ‘போட்’ என்ற திரைப்படத்தின் டீசர் 5 மொழிகளின் பிரபலங்களால் துபாயில் வெளியிடப்படவுள்ளது.
‘இம்சை அரசன் 23-ம் புலிகேசி’ படத்தின் இரண்டாம் பாகம் டிராப் ஆன பிறகு படம் எதுவும் இயக்காமல் இருந்த சிம்பு தேவன், அந்த படத்தை யோகி பாபுவை வைத்து முடிக்க முயற்சித்தார். ஆனால் அது இயலவில்லை.
இதனால் அவரிடம் வாங்கிய கால்ஷீட்டை பயன்படுத்தி தற்போது ‘போட்’ என்ற படத்தை இயக்கியுள்ளார். முற்றிலும் கடலில் உருவாக்கப்படவுள்ள போட் படத்தின் டீசர் இன்று மாலை வெளியாகவுள்ளது. மேலும் இப்படம் நெய்தல் நிலத்தின் கதையை கூறும் விதமாக இப்படத்தின் கதை உள்ளது.
இந்நிலையில் இப்படத்தின் டீசர் இன்று துபாயில் வெளியிடப் படக்குழு முடிவு செய்துள்ளது. மேலும் இந்த படத்தின் டீசரை ஹிந்தியில் அமீர் கான் அவர்களும், கன்னடத்தில் கிச்சா சுதீப் அவர்களும் மலையாளத்தில் பிரித்திவிராஜ் அவர்களும் தெலுங்கில் நாக சைதன்யா அவர்களும் வெளியிடவுள்ளனர்.
தமிழில் யோகி பாபுவின் நெருங்கிய நண்பரான மக்கள் செல்வன் விஜய் சேதுபதி உள்பட 5 பேர் இன்று மாலை 5 மணிக்கு போட் பட டீசரை வெளியிடுகின்றனர்.