ஒரே பாலின தம்பதிகளுக்கு ஆசீர்வாதம் வழங்க போப் பிரான்சிஸ் அனுமதி வழங்கியுள்ளார்.
இதுதொடர்பாக வாட்டிகனின் கொள்கையில் மாற்றங்கள் என்ற புதிய ஆவணம் வெளியிடப்பட்டுள்ளது.
அதில்,ஆசீர்வாதங்கள் ஒழுங்கற்ற சூழ்நிலைகளை சட்டப்பூர்வமாக்காது, ஆனால் கடவுள் அனைவரையும் வரவேற்கிறார் என்பதற்கான அடையாளமாக இருக்கும் என்றும் தெரிவிக்கப்பட்டுள்ளது.
பாதிரியார்கள் ஒவ்வொரு வழக்கின் அடிப்படையில் முடிவெடுக்க வேண்டும் மற்றும் “எளிய ஆசீர்வாதத்தின் மூலம் கடவுளின் உதவியை நாடக்கூடிய ஒவ்வொரு சூழ்நிலையிலும் சர்ச், மக்களுடன் நெருக்கமாக இருப்பதைத் தடுக்கவோ அல்லது தடை செய்யவோ கூடாது என்று அதில் கூறப்பட்டுள்ளது.
திருமணம் என்பது ஒரு ஆணுக்கும், பெண்ணுக்கும் இடையிலான வாழ்நாள் ஒப்பந்தம் என்று விளக்கமாக அந்த ஆவணம் வலியுறுத்துகிறது. இருப்பினும் தன்பாலின தம்பதிகள் கடவுளின் ஆசிர்வாதத்தைக் கோரினால் அதனை முழுமையாக மறுத்துவிடக் கூடாது என்றும் கூறுகிறது.
வாத்திகானில் நடைபெற்ற ஆயர்களின் ஆயர் பேரவையின் தொடக்கத்தில் ஐந்து கன்சர்வேடிவ் கார்டினல்கள் முன்வைத்த கேள்விகளுக்குப் பதிலளிக்கும் வகையில் இந்த அறிக்கை அமைந்துள்ளது.
யுனைடெட் ஸ்டேட்ஸில் உள்ள நோட்ரே டேம் பல்கலைக்கழகத்தின் இறையியல் பேராசிரியரான உல்ரிச் எல். லெஹ்னர், இந்த புதிய வழிகாட்டுதல் “தவறான புரிதலை அழைக்கிறது மற்றும் குழப்பத்தை விதைக்கும்” என்றார்.
