தனுஷ் நடித்துள்ள கேப்டன் மில்லர் படத்தின் முதல் பாடல் வெளியாகியுள்ள நிலையில் தற்போது இரண்டாம் பாடல் குறித்த அறிவிப்பு வந்துள்ளது.
‘சாணிக்காயிதம்’, ‘ராக்கி’ ஆகிய படங்களை இயக்கிய அருண் மாதேஸ்வரன் இயக்கத்தில் தனுஷ் நடித்துள்ள திரைப்படம் ‘கேப்டன் மில்லர்’. வரலாற்றுப் பாணியில் உருவாகியுள்ள இந்த படத்துக்கு ஜி.வி. பிரகாஷ் இசையமைத்துள்ளார்.
இதில் பிரியங்கா அருள் மோகன், நிவேதிதா சதிஷ், ஜான் கொக்கன், சுமேஷ் மூர் மற்றும் சிவராஜ்குமார் ஆகியோர் முக்கிய கதாபாத்திரங்களில் நடித்துள்ளனர்.
இந்த படத்தின் படப்பிடிப்பு நிறைவடைந்து போஸ்ட் புரொடக்சன் பணிகள் விறுவிறுப்பாக நடைபெற்று வருகிறது. இந்த படத்தின் டீசர் வெளியாகி கவனம் பெற்றது.
சமீபத்தில் இந்த படத்தின் முதல் பாடலான ‘கில்லர் கில்லர்’ என்ற தனுஷ் பாடிய பாடல் வெளியானது. இந்நிலையில் தற்போது இப்படத்தின் இரண்டாம் பாடல் குறித்த அறிவிப்பு வெளியாகியுள்ளது.
அதன்படி, “உன் ஒளியிலே” என்ற பாடல் இன்று மாலை 5 மணிக்கு வெளியாகும் என்று அறிவிக்கப்பட்டுள்ளது. இதனைப் படக்குழு காணொலி ஒன்றை வெளியிட்டு அறிவித்துள்ளது.
