இந்தியாவில் நடைபெற்று வரும் புரோ கபடி தொடரில் நேற்று நடைபெற்ற போட்டியில் ஜெய்ப்பூர் பிங்க் பாந்தர்ஸ் அணி, தமிழ் தலைவாஸை 1 புள்ளி வித்தியாசத்தில் வீழ்த்தி திரில் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இதில் நேற்று நடைபெற்ற 36வது போட்டியில் தமிழ் தலைவாஸ் மற்றும் ஜெய்ப்பூர் பிங்க் பாந்தர்ஸ் அணிகள் விளையாடின. இப்போட்டியானது சென்னையில் உள்ள நேரு உள்விளையாட்டு அரங்கத்தில் நடைபெற்றது.
இந்த போட்டியில் ஜெய்ப்பூர் பிங்க் பாந்தர்ஸ் 25-24 என்ற புள்ளி கணக்கில் திரில் வெற்றி பெற்றது. நேற்றைய முன்தினம் நடைபெற்ற போட்டியிலும் தமிழ் தலைவாஸ் அணி தோல்வியையடைந்தது, இந்நிலையில் நேற்றையப் போட்டியிலும் தோல்வியடைந்துள்ளது.
தொடர் தோல்வியை பெற்றுவரும் தமிழ் தலைவாஸ் நாளை அரியானா அணியுடன் விளையாடவுள்ளது. அதேபோல் நேற்று நடைபெற்ற மற்றொரு போட்டியில் குஜராத் ஜெயண்ட்ஸ் 38-30 என்ற புள்ளி கணக்கில் உ.பி. யோதாஸ் அணியை வீழ்த்தியது.
