மத்தியப்பிரதேசம் மாநிலம், குவாலியரில் 1500க்கும் மேற்பட்டோர் தபேலா வாசித்து கின்னஸ் உலக சாதனை படைத்துள்ளனர்.
மத்தியப்பிரதேசம் மாநிலம் குவாலியரில் நேற்று ‘தால் தர்பார்’ நடைபெற்றது. இந்த நிகழ்ச்சியில் மத்தியப் பிரதேச முதல்வர் மோகன் யாதவ், சட்டமன்ற சபாநாயகர் நரேந்திர சிங் தோமர் , மத்திய அமைச்சர் ஜோதிராதித்ய சிந்தியா உள்ளிட்டோர் கலந்து கொண்டனர்.
இந்த நிகழ்ச்சியில் 1500க்கும் மேற்பட்டோர் தபேலா வசித்தனர். ஒரே நேரத்தில் அதிக மக்கள் தபேலா வாசித்ததன் அடிப்படையில் அவர்கள் கின்னஸ் சாதனை படைத்தனர்.
கின்னஸ் சாதனை படைத்தவர்களுக்கு மத்திய பிரதேசத்தின் முதல்வர் மோகன் யாதவ் கின்னஸ் சாதனை சான்றிதழைக் கொடுத்துக் கௌரவித்தார்.
மேலும், டிசம்பர் 25ஆம் தேதி ‘தபேலா திவாஸ்’ ஆகக் கொண்டாடப்படும் என்று அறிவித்து தனது மகிழ்ச்சியை வெளிப்படுத்தினர் முதல்வர் மோகன் யாதவ்.
இதுகுறித்து பேசிய அவர், ” இந்த நாள் எங்களுக்கு மிகவும் சிறப்பு வாய்ந்தது. இந்த நிகழ்வை மறக்க முடியாததாக மாற்ற, டிசம்பர் 25 தபேலா திவாஸ் கொண்டாடப்படும். இந்தியாவில் இசையின் வரலாறு 5000 ஆண்டுகளுக்கும் மேலானது. இசையையும் குவாலியரையும் பிரிக்க முடியாது” என்று கூறினார்.
