ஜம்மு காஷ்மீரில் மேற்கொள்ளப்பட்டு வரும் பாதுகாப்பு நடவடிக்கைகளை ஆய்வு செய்வதற்காக பாதுகாப்பு துறை அமைச்சர் ராஜ்நாத்சிங் ஜம்மு சென்றார்.
அண்மையில் ரஜோரி செக்டரில் ராணுவ வாகனங்களை குறி வைத்து தீவிரவாதிகள் தாக்குல் நடத்தியதில், பாதுகாப்பு படை வீரர்கள் 4 பேர் உயிரிழந்தனர்.இதனையடுத்து பாகிஸ்தான் தீவிரவாதிகளின் நடவடிக்கைகளை கட்டுப்படுத்த பூஞ்ச்-ரஜோரி செக்டாரில் துருப்புக்களின் எண்ணிக்கையை அதிகரிக்க இந்திய ராணுவம் திட்டமிட்டுள்ளதாக தகவல்கள் வெளியாகியுள்ளன.
சில மாதங்களுக்கு முன்பு ஒரு கூடுதல் படைப்பிரிவு அமைப்பு அப்பகுதிக்கு மாற்றப்பட்டது. பயங்கரவாத எதிர்ப்பு நடவடிக்கைகளுக்கு ஆதரவாக மற்ற சில பிரிவுகளுடன் மற்றொரு படைப்பிரிவும் அங்கு வர திட்டமிடப்பட்டுள்ளதாக கூறப்படுகிறது.
இராணுவம் பல துருப்புக்களை இழந்த நடவடிக்கைகளில் தொடர்ச்சியான தவறுகளுக்காக பிரிகேடியராக இருக்கும் 13-பிரிவு ராஷ்ட்ரிய ரைபிள்ஸ் தளபதிக்கு எதிராக இராணுவம் ஒரு பணியாளர் நீதிமன்ற விசாரணையை நடத்துவாக கூறப்படுகிறது.
சீனாவுடனான வடக்கு எல்லையில் துருப்புக்களை குறைக்க இந்திய ராணுவத்திற்கு அழுத்தம் கொடுப்பதற்காக, பூஞ்ச் ரஜோரி பகுதியில் பயங்கரவாதத்தை புதுப்பிக்க பாகிஸ்தான் ராணுவமும் அதன் உளவு அமைப்புகளும் திட்டமிடுவதாக ஆதாரங்கள் தெரிவிக்கின்றன.
இந்நிலையில், பாதுகாப்பு துறை அமைச்சர் ராஜ்நாத்சிங்,முப்படைகளின் தலைமை தளபதி மனோஜ் பாண்டே இன்று டெல்லியில் இருந்து தனி விமானம் மூலம் ஜம்மு சென்றனர். அவர்களை ராணுவ உயராதிகரிகள் வரவேற்றனர். இதனைத்தொடர்ந்து ரஜோரி செல்லும் அவர்கள் பாதுகாப்பு ஏற்பாடுகள் குறித்து ஆய்வு செய்கின்றனர்.
