2024 ஒரு லீப் ஆண்டு. நான்கு வருடங்களுக்கு ஒருமுறை வரும் லீப் வருடம் இந்த வருடம் வந்துள்ளது.
ஒவ்வொரு 4 வருடங்களுக்கும் ஒரு லீப் ஆண்டு வரும். கடைசியாக 2020 லீப் ஆண்டாக இருந்தது, 2024க்குப் பிறகு 2028 லீப் ஆண்டாகக் கருதப்படும். அதாவது பிப்ரவரி 2024 இல் காலெண்டரில் கூடுதல் நாள் சேர்க்கப்படும். இந்த வழியில், வழக்கமான 365 நாட்களுக்கு பதிலாக 2024 இல் 366 நாட்கள் இருக்கும்.
இந்த லீப் வருடத்தின் லீப் தினம் பிப்ரவரி 29, 2024 அன்று வரும். பிப்ரவரியில் வழக்கமாக 28 நாட்கள் இருக்கும் போது, ஒவ்வொரு நான்கு வருடங்களுக்கும் ஒரு முறை ஒரு கூடுதல் நாள் கிடைக்கும். இந்த கூடுதல் நாள் லீப் நாள் என்று அழைக்கப்படுகிறது.
ஒவ்வொரு நான்கு வருடங்களுக்கும் ஒரு முறை ஒரு நாள் நமது நாட்காட்டியில் சேர்க்கப்படுகிறது, இது பூமியின் சூரியனைச் சுற்றி வரும் பயணத்தை பருவங்களுடன் சீரமைக்க உதவுகிறது.
அதாவது, பூமி சூரியனைச் சுற்றி முடிக்க 365 1/4 நாட்கள் மட்டுமே எடுக்கிறது. இருப்பினும், ஒரு வருடத்திற்கு 365 நாட்கள் உள்ளன. இந்தக் கூடுதல் தேதியைச் சேர்க்காவிட்டாலோ அல்லது நான்கு ஆண்டுகளுக்கு ஒருமுறை லீப் ஆண்டைக் சேர்க்காமல்விட்டாலோ, நமது பருவங்கள் அழிந்துவிடும்.
ஏனென்றால் லீப் ஆண்டுகள் இல்லாவிட்டால், ஒவ்வொரு 750 வருடங்களுக்கும் பருவங்கள் முற்றிலும் மாறும். அதாவது, கோடையின் நடுவில் குளிர்காலம் வருவதற்கான வாய்ப்புகள் உள்ளன.
பிப்ரவரி மாதத்தை 29 நாட்களாக அதிகரிப்பதற்கான சீர்திருத்தம் ரோமானிய நாட்காட்டிக்கு முந்தையது. காலண்டர் ஜூலியஸ் சீசர் என்பவரால் உருவாக்கப்பட்டது. ரோமன் நாட்காட்டி 355 நாட்கள் கொண்டது. இது சூரியனை மையமாகக் கொண்ட நாட்காட்டியை விடக் குறைவானது.
எனவே, ஒவ்வொரு வருடத்தின் பருவங்களும் அவற்றின் மாதங்களுடன் ஒத்துப்போவதில்லை. சீசர் ஜூலியன் நாட்காட்டியை அறிமுகப்படுத்தினார். இது சூரியனை மையமாகக் கொண்ட காலண்டர். இது எகிப்திய நாட்காட்டியால் ஈர்க்கப்பட்டது.
இதில், லீப் இயர் முறை துவங்கப்பட்டது. 1582-யில், ஜூலியன் காலண்டர் மீண்டும் புதுப்பிக்கப்பட்டது. அதுவே கிரிகோரியன் காலண்டர் ஆனது. அதிலிருந்து பிப்ரவரி மாதத்தில் கூடுதல் நாள் சேர்க்கப்பட்டது.
