நேரு செய்த தவறுகள்: ப்ரியம் காந்தி மோடி புத்தகம்!

முன்னாள் பிரதமர் ஜவஹர்லால் நேருவின் தவறுகள் காரணமாக, இந்தியாவின் வடகிழக்குப் பகுதியை சீனாவிடம் இழந்திருப்போம் என்றும், பெய்ஜிங் கருணை காட்டி போர் நிறுத்தத்தை அறிவித்தது என்றும் எழுத்தாளர் ப்ரியம் காந்தி மோடி கூறியிருக்கிறார்.

ப்ரியம் காந்தி மோடி, “காங்கிரஸ் இல்லாவிட்டால் என்ன” என்பது தொடர்பாக ஒரு புத்தகத்தை எழுதி இருக்கிறார். அப்புத்தகம் குறித்து ப்ரியம் காந்தி செய்தியாளர்களிடம் கூறுகையில், “பண்டிட் நேரு ஒரு அரசியல்வாதி என்று தற்போது காங்கிரஸ் கட்சியினர் கூறிவருகின்றனர். அதேசமயம், இந்திரா காந்தியின் ஆட்சியைப் பாராட்டுவதைப் பார்க்கிறோம். அவர்களின் தரப்பில் இதுபோன்ற தவறான கணக்கீடுகளையும் தவறுகளையும் நாங்கள் பார்த்தோம்.

உதாரணமாக, ராகுல் காந்தி தனது பாரத நியாய யாத்திரையை வடகிழக்கில் இருந்து மும்பைக்கு ஓரிரு வாரங்களில் தொடங்கப் போகிறார் என்ற செய்தியை நான் படித்தேன். பண்டிட் நேருவின் தவறுகளால்தான் வடகிழக்கை சீனா எடுக்கப் பார்த்தது. அதேபோல, சீனா நம் மீது கருணை காட்டித்தான் போர் நிறுத்தத்தை அறிவித்தது. இதற்கு கைமாறாக நேரு காஷ்மீரின் பெரிய பகுதிகளை விட்டுக் கொடுத்தார்.

மகாத்மா காந்தி இறப்பதற்கு 3 நாட்களுக்கு முன்பு எழுதிய கடிதத்தில், காங்கிரஸை கலைத்துவிட்டு சமூக சேவை அமைப்பாக மாற்ற வேண்டும் என்றும், அந்த அறக்கட்டளையின் தலைவராக பண்டிட் ஜவஹர்லால் நேரு இருப்பார் என்றும் தெரிவித்திருந்தார்.

கடந்த 2022-ம் ஆண்டு நாடாளுமன்ற குளிர்காலக் கூட்டத்தொடரின்போது, இதேபோன்ற கருத்தை பிரதமர் நரேந்திர மோடியும் தெரிவித்தார். இந்தியாவில் காங்கிரஸ் இல்லை என்றால் எப்படி இருக்கும்? 2 பெரிய மனங்கள் ஒரே யோசனையில் ஒன்றிணைந்தால், அது நிச்சயமாக சில ஆழமான சிந்தனைக்கு உத்தரவாதம் அளிக்கிறது. அதனால்தான் நான் இந்த புத்தகத்தை எழுதினேன்” என்றார்.

ப்ரியம் காந்தியின் இப்புத்தகம் 2 பிரிவுகளாக பிரிக்கப்பட்டுள்ளது. பிரிவினைக்கு முந்தைய நிகழ்வுகளில் இருந்து, பிரிவினைக்கு நெருக்கமான நிகழ்வுகளுக்கு நம்மை இட்டுச் செல்கிறது. மேலும், அத்தகைய இரத்தக்களரியான பிரிவினைக்கு யார் காரணம் என்றும் ப்ரியம் கூறியிருக்கிறார்.

காஷ்மீர் மற்றும் சீனா விவகாரத்தை காங்கிரஸ் தலைமை கையாளவில்லை என்றால், அது எவ்வளவு வித்தியாசமாக இருந்திருக்கும் என்று ஒரு பிரிவு கூறுகிறது. அதேபோல, மற்றொரு பிரிவு பொருளாதாரம் தொடர்பானது. காங்கிரஸ் செய்த ஊழல்கள், முறைகேடுகள் தொடர்பாக விவரிக்கிறது.

மேலும், காங்கிரஸ் கட்சிக்குள் ஜனநாயகத்தின் நிலை எப்படி இருந்தது, நாட்டின் ஜனநாயகம் எப்படி இருந்தது என்றால், ஜனநாயகத்தின் இயல்பான பகுதியாகக் கருதப்படும் எதிர்ப்புக்களுக்கு காங்கிரஸ் மிகவும் கடினமான கையாகத்தான் இருந்தது என்று கூறியிருக்கிறார்.

அதேபோல, காங்கிரஸை கலைத்திருந்தால் இந்தியா எப்படி இருந்திருக்கும் என்கிற கருத்தை விரிவுபடுத்தி ஆசிரியர் ப்ரியம் கூறுகையில், “ஒருவேளை வேறு அரசியல் கட்சி உருவாகி இருக்கும் என்று நான் நினைக்கிறேன். காரணம், அந்த நேரத்தில் காங்கிரஸுக்குள் கோஷ்டிகளும் இருந்தன. நம் நாட்டில் மிகவும் சாதகமான தாக்கத்தை ஏற்படுத்தக்கூடிய வேறு வகையான அரசியல் தலைமைகளின் பிறப்பைக் கண்டிருப்போம்.

எந்தவொரு வலுவான ஜனநாயகத்திற்கும் வலுவான எதிர்கட்சி தேவை. ஆனால், நாடாளுமன்ற விவாதங்களில் காங்கிரஸ் பங்கேற்காதது மிகவும் துரதிருஷ்டவசமானது. பலவீனமான எதிர்கட்சியால் இந்தியா பாதிக்கப்படுகிறது. தங்கள் சொந்த இருப்பை வலுப்படுத்தாவிட்டால், காங்கிரஸ் மீண்டும் ஆட்சிக்கு வருவதில் கேள்வி எழத்தான் செய்யும்.

தேச விரோத நடவடிக்கைகள் மற்றும் தீவிரவாத சகிப்புத்தன்மையற்ற, ஆட்சியில் நல்ல பிடிப்பு கொண்ட பிரதமர் மோடி போன்ற ஒரு தலைவரை நாம் பார்ப்பது எங்கள் தலைமுறைக்கு ஒரு பெரிய வரம். இதன் இன்னொரு பகுதி, தேசத்தின் ஆன்மீக விழிப்புணர்வு.

இந்தியாவை மிக நவீன நாகரீகமாக கொண்டிருந்த கடந்த காலப் பெருமையை மீட்டெடுக்க வேண்டும் என்பதுதான் இந்த ஆர்வம். அந்த நாட்டம்தான் நாட்டு மக்களுக்கும் எனக்கும் வந்திருக்கிறது. இப்போது நமது நாகரிகத்தின் பெருமை அதன் இடத்தைப் பிடிக்கும் என்று நினைக்கிறேன்” என்றார்.