இந்தியாவில் நடைபெற்று வரும் புரோ கபடி தொடரில் இன்றைய முதல் போட்டியில் பெங்களூரு புல்ஸ் – பாட்னா பைரேட்ஸ் அணிகளும், இரண்டாவது போட்டியில் யு மும்பா – தபாங் டெல்லி அணிகளும் விளையாடவுள்ளன.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இந்நிலையில் இன்று இரண்டு போட்டிகள் மும்பையில் நடைபெறவுள்ளது. இதன் முதல் போட்டி மும்பையில் இரவு 8 மணிக்கு நடைபெறவுள்ளது.
இந்தப் போட்டியில் பெங்களூரு புல்ஸ் – பாட்னா பைரேட்ஸ் அணிகள் விளையாடவுள்ளன. பெங்களூரு புல்ஸ் அணி புள்ளி பட்டியில் எட்டாவது இடத்திலும், பாட்னா பைரேட்ஸ் ஏழாவது இடத்திலும் உள்ளது.
இந்த இரண்டு அணிகளும் பலத்தில் சரிசமமாக இருக்கிறது. ஆகையால் இந்தப் போட்டியில் பரபரப்புக்கு பஞ்சமே இருக்காது. இதைத் தொடர்ந்து இன்று நடைபெறும் மற்றொரு போட்டி மும்பையில் இரவு 9 மணிக்கு நடைபெறவுள்ளது.
இந்தப் போட்டியில் யு மும்பா – தபாங் டெல்லி ஆகிய அணிகள் விளையாடவுள்ளன. யு மும்பா அணி புள்ளி பட்டியலில் ஐந்தாவது இடத்திலும், தபாங் டெல்லி நான்காவது இடத்திலும் உள்ளது. இந்த இரண்டு அணிகளுமே பலம் வாய்ந்த அணி என்பதால் இந்த போட்டி பரபரப்பாக இருக்கும்.
