பிரிட்டிஷ் ஜூனியர் ஓபன் ஸ்குவாஷ் தொடரில் இந்திய மகளிர் அணியின் அனாஹத் சிங் இரண்டாவது இடத்தை பிடித்துள்ளார்.
பிரிட்டிஷ் ஜூனியர் ஓபன் ஸ்குவாஷ் தொடர் இங்கிலாந்தில் உள்ள பர்மிங்காமில் நடைபெற்று வந்தது.
இதில் 17 வயதுக்கு உட்பட்டோருக்கான மகளிர் பிரிவு இறுதிப் போட்டி நேற்று நடைபெற்றது. இதில் இந்திய அணியின் சார்ப்பாக அனாஹத் சிங் பங்கேற்றார்.
இந்த போட்டியில் இந்திய அணியின் வீராங்கனை அனாஹத் சிங்வுடன் எகிப்த் நாட்டின் எல்ஹம்மாமி விளையாடினார்.
இந்தப் போட்டியில் அனாஹத் சிங் 11-7, 11-13, 10-12, 11-5, 9-11 என்ற செட் கணக்கில் தோல்வி அடைந்து 2வது இடத்தை பெற்றார். இந்த போட்டியானது 68 நிமிடங்கள் நடைபெற்றது.
இதேபோல் 17 வயதுக்கு உட்பட்டோருக்கான ஆடவர் பிரிவில் இந்தியாவின் ஆர்யவீர் திவான் 3-வது இடம் பிடித்தார்.
அரை இறுதி ஆட்டத்தில் ஆர்யவீர் திவான் 1-3 என்ற கணக்கில் எகிப்தின் ஃபிலோபேட்டர் சலேவிடம் தோல்வி அடைந்தார். ஆனால் 3-வது இடத்துக்கான பிளே ஆஃப் ஆட்டத்தில் ஆர்யவீர் திவான் வெற்றி பெற்றார்.
