இந்தியாவில் நடைபெற்று வரும் புரோ கபடி தொடரில் நேற்றையப் போட்டியில் தமிழ் தலைவாஸ் அணி 19 புள்ளிகள் வித்தியாசத்தில் அபார வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளனர்.
இந்நிலையில் நேற்று இரண்டு போட்டிகள் நடைபெற்றது. இதில் முதல் போட்டியில் உ.பி. யோதாஸ் – தமிழ் தலைவாஸ் அணிகள் விளையாடின.
இதில் தமிழ் தலைவாஸ் அணி 46 புள்ளிகளை பெற்றது. உ.பி. யோதாஸ் அணி 27 புள்ளிகளை பெற்றது. இதனால் தமிழ் தலைவாஸ் அணி 19 புள்ளிகள் வித்தியாசத்தில் அபார வெற்றி பெற்றது.
மேலும் புள்ளி பட்டியலில் உ.பி. யோதாஸ் அணி பத்தாவது இடத்திலும், தமிழ் தலைவாஸ் அணி 11வது இடத்திலும் உள்ளது.
இதைத் தொடர்ந்து நடைபெற்ற மற்றொரு போட்டியில் யு மும்பா – ஹரியானா ஸ்டீலர்ஸ் அணிகள் விளையாடின. இதில் யு மும்பா மற்றும் ஹரியானா ஸ்டீலர்ஸ் இரு அணிகளும் தலா 44 புள்ளிகளை எடுத்ததால் இந்த ஆட்டம் டிராவில் முடிந்தது.
ஆகவே யு மும்பா அணி புள்ளி பட்டியலில் ஐந்தாவது இடத்திலும், ஹரியானா ஸ்டீலர்ஸ் அணி ஆறாவது இடத்திலும் உள்ளது.
