ஆப்கானிஸ்தானில் இன்று காலை 4.4 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
ஆப்கானிஸ்தானில் இன்று காலை 9.40 மணிக்கு நிலநடுக்கம் ஏற்பட்டது. இது ரிக்டர் அளவுகோலில் 4.4 ஆக பதிவானது.
இந்த நிலநடுக்கம் பூமிக்கடியில், 180 கிலோமீட்டர் ஆழத்தில் மையம் கொண்டிருந்ததாக தேசிய நில அதிர்வு மையம் தெரிவித்துள்ளது.
முன்னதாக, ஆப்கானிஸ்தானில் இன்று அதிகாலை 4.51 மணிக்கு, 4.3 ரிக்டர் அளவில் நிலநடுக்கம் ஏற்பட்டது. இந்த நிலநடுக்கம் பூமிக்கடியில் 17 கிலோமீட்டர் ஆழத்தில் மையம் கொண்டிருந்தது. ஆப்கானிஸ்தானில் அடுத்தடுத்து நிலநடுக்கம் ஏற்படுவதால், மக்கள் அச்சமடைந்துள்ளனர்.
இந்த நிலநடுக்கத்தால், ஆப்கானிஸ்தானில் கட்டடங்கள் குலுங்கின. இதனால், அச்சமடைந்த மக்கள் வீடுகளை விட்டு வெளியேறி சாலைகளில் தஞ்சமடைந்தனர்.
இந்த நிலநடுக்கத்தால், ஏற்பட்ட பாதிப்புகள் குறித்து உடனடி தகவல் வெளியாகவில்லை.
