மியான்மரில் இன்று காலை 4.4 ரிக்டர் அளவில் நிலநடுக்கம் ஏற்பட்டதாக தேசிய நில அதிர்வு மையம் தெரிவித்துள்ளது.
இந்த ஆண்டு தொடக்கம் முதலே உலகின் பல நாடுகளிலும் நிலநடுக்கம் ஏற்பட்டு வருகிறது. குறிப்பாக, புத்தாண்டு தினத்தன்று ஏற்பட்ட சக்திவாய்ந்த நிலநடுக்கத்தால், ஜப்பான் நாடே நிலைக் குலைந்துள்ளது. இந்த நிலநடுக்கத்தால், ஆயிரக்கணக்கான மக்கள் வீடுகளை இழந்துள்ளனர். 150-க்கும் மேற்பட்ட மக்கள் கட்டட இடிபாடுகளில் சிக்கி பரிதாபமாக உயிரிழந்தனர்.
Earthquake of Magnitude:4.4, Occurred on 12-01-2024, 07:23:18 IST, Lat: 22.74 & Long: 93.90, Depth: 88 Km ,Location: Myanmar, for more information Download the BhooKamp App https://t.co/34Q7sM3rm5 @KirenRijiju @Ravi_MoES @Dr_Mishra1966 @ndmaindia @Indiametdept @moesgoi pic.twitter.com/fQmL4dA38L
— National Center for Seismology (@NCS_Earthquake) January 12, 2024
இந்நிலையில், மியான்மரில் இன்று காலை 7.23 மணிக்கு நிலநடுக்கம் ஏற்பட்டது. இது ரிக்டர் அளவுகோலில் 4.4 ஆக பதிவானது.
நிலநடுக்கம் பூமிக்கடியில் 88 கிலோமீட்டர் ஆழத்தில் மையம் கொண்டிருந்ததாக தேசிய நில அதிர்வு மையம் தெரிவித்துள்ளது. மியான்மரின் சில பகுதிகளில் கட்டடங்கள் அதிர்ந்தன.
இந்த நிலநடுக்கத்தால் ஏற்பட்ட பாதிப்புகள் குறித்து உடனடி தகவல் வெளியாகவில்லை.
