நிர்வாக விதிகள் மற்றும் நடைமுறைகளின் கட்டமைப்பிற்குள் உள்ள சிக்கலைப் புரிந்துகொண்டால், அதைத் தீர்ப்பது பயனுள்ள சிக்கலைத் தீர்க்க வழிவகுக்கும் என்று புதிதாக தேர்ந்தெடுக்கப்பட்ட எம்.எல்.ஏ.க்களுக்கான வழிகாட்டுதல் நிகழ்ச்சியில் உள்துறை அமைச்சர் அமித்ஷா கூறினார்.
சத்தீஸ்கர் மாநிலம் ராய்ப்பூரில் புதிதாக தேர்ந்தெடுக்கப்பட்ட சட்டமன்ற உறுப்பினர்களுக்கான வழிகாட்டுதல் நிகழ்ச்சி நடைபெற்றது. இந்நிகழ்ச்சியில் பேசிய மத்திய உள்துறை மற்றும் கூட்டுறவுத்துறை அமைச்சர் அமித்ஷா, “பொதுமக்களுக்கும் அரசாங்கத்திற்கும் இடையே வலுவான உறவுகளை உருவாக்க சட்டமன்ற உறுப்பினர்கள் பாடுபட வேண்டும்.
சட்டமன்ற உறுப்பினர்கள் பொதுமக்களுடன் தொடர்ச்சியான தொடர்பு மற்றும் உரையாடலைப் பேணுவது மிகவும் முக்கியம். புதிய சட்டமன்ற உறுப்பினர்கள் தகவல் தொடர்புகளை மேம்படுத்துவதோடு, உரையாடலைப் பேணவும், அர்ப்பணிப்புடன் பணியாற்றவும் வேண்டும்.
இவைதான் தேர்ந்தெடுக்கப்பட்ட ஒரு பிரதிநிதியை வெகுஜனத் தலைவராக மாற்றும் முக்கிய காரணிகளாகும். அதேபோல, நிர்வாக விதிகள் மற்றும் நடைமுறைகளின் கட்டமைப்பிற்குள் உள்ள சிக்கலைப் புரிந்துகொண்டு, அதைத் தீர்ப்பது பயனுள்ள சிக்கலைத் தீர்க்க வழிவகுக்கும்” என்று கூறினார்.
முன்னதாக, இடதுசாரித் தீவிரவாதம் குறித்த விரிவான ஆலோசனைக் கூட்டத்தில், மாநில முதல்வர், துணை முதல்வர்கள், பாதுகாப்புப் படையினர் மற்றும் மத்திய, மாநில மூத்த அதிகாரிகளுடன் உள்துறை அமைச்சர் அமித்ஷா கலந்து கொண்டு விவாதித்தார்.
அப்போது, அடுத்த 3 ஆண்டுகளுக்குள் நக்சலிசம் நாட்டிலிருந்து முற்றிலும் ஒழிக்கப்பட வேண்டும். அதற்கு இடதுசாரி தீவிரவாதிகளின் ஆதரவாளர்கள் அடையாளம் காணப்பட வேண்டும். மேலும், அவர்கள் நிதி ரீதியாக முற்றிலும் முடக்கப்பட வேண்டும்” என்று கூறினார்.
