இந்தியாவில் நடைபெற்று வரும் புரோ கபடி தொடரில் நேற்றையப் போட்டியில் அரியானா ஸ்டீலர்ஸ் மற்றும் பாட்னா பைரேட்ஸ் அணிகள் வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இதில் நேற்று நடைபெற்ற முதல் போட்டியில் அரியானா ஸ்டீலர்ஸ் – பெங்கால் வாரியர்ஸ் அணிகள் விளையாடின.
விறுவிறுப்பாக நடைபெற்ற இப்போட்டியில் அரியானா ஸ்டீலர்ஸ் அணி 41-36 என்ற புள்ளிகணக்கில் வெற்றி பெற்றது.
இந்த வெற்றி மூலம் ஆறாவது இடத்தில இருந்த அரியானா ஸ்டீலர்ஸ் அணி 5வது இடத்திற்கு முன்னேறியுள்ளது. பெங்கால் வாரியர்ஸ் அணி பத்தாவது இடத்தில் உள்ளது.
இதனைத் தொடர்ந்து நேற்று நடைபெற்ற மற்றொரு போட்டியில் பாட்னா பைரேட்ஸ் – குஜராத் ஜெயன்ட்ஸ் அணிகள் விளையாடியது.
இதில் பாட்னா பைரேட்ஸ் அணி 32-20 என்ற புள்ளிகணக்கில் குஜராத் ஜெயன்ட்ஸ் அணியை வீழ்த்தி வெற்றி பெற்றுள்ளது.
இந்த வெற்றியின் மூலம் பாட்னா பைரேட்ஸ் அணி 4வது இடத்திற்கு முன்னேறியுள்ளது. குஜராத் ஜெயன்ட்ஸ் அணி இரண்டு இடம் கீழே இறங்கி 6வது இடத்தில் உள்ளது.
