19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடரின் இன்றையப் போட்டியில் முதலில் பேட்டிங் செய்த இந்திய அணி 50 ஓவர்கள் முடிவில் 8 விக்கெட்கள் இழப்பிற்கு 295 ரன்களை எடுத்துள்ளது.
19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் நடைபெற்றுவருகிறது. இந்த தொடர் பிப்ரவரி 11 ஆம் தேதி வரை நடைபெறவுள்ளது.
இந்த தொடரின் லீக் சுற்று முடிவடைந்த நிலையில் இன்று சூப்பர் 6 சுற்று தொடங்குகிறது. இன்றைய சூப்பர் 6 சுற்றில் மொத்தமாக 3 போட்டிகள் நடைபெறுகிறது.
அதில் இந்தியா – நியூசிலாந்து ; இலங்கை – மேற்கிந்திய அணி ; பாகிஸ்தான் – அயர்லாந்து ஆகிய அணிகள் விளையாடி வருகிறது.
இதில் இந்தியா – நியூசிலாந்து அணிகள் விளையாடும் போட்டியானது மங்காங் ஓவல் மைதானத்தில் நடைபெறுகிறது. இதில் டாஸ் வென்ற நியூசிலாந்து அணி பந்துவீச்சை தேர்வுசெய்தது.
அதன்படி முதலில் பேட்டிங் செய்த இந்திய அணி 50 ஓவர்கள் முடிவில் 8 விக்கெட்கள் இழப்பிற்கு 295 ரன்களை எடுத்தது. இந்திய அணியில் அதிகபட்சமாக முஷீர் கான் 131 ரன்களை எடுத்துள்ளார்.
இந்திய அணியில் தொடக்க வீரராக களமிறங்கிய ஆதர்ஷ் சிங் 52 ரன்களும், மற்றொரு தொடக்க வீரரான அர்ஷின் குல்கர்னி 9 ரன்களும் எடுத்து ஆட்டமிழந்தனர்.
இந்திய அணியின் கேப்டன் உதய் 34 ரன்களை எடுத்து ஆட்டமிழந்தார். மற்ற வீரர்கள் சொற்ப ரன்களில் ஆட்டமிழக்க இந்திய அணி 50 ஓவர்கள் முடிவில் 8 விக்கெட்கள் இழப்பிற்கு 295 ரன்களை எடுத்தது.
நியூசிலாந்து அணியில் அதிகபட்சமாக மேசன் கிளார்க் 4 விக்கெட்களை வீழ்த்தியுள்ளார். ரியான், கம்மின், ஏவால்ட் மற்றும் ஆலிவர் ஆகியோர் தலா 1 விக்கெட்டை வீழ்த்தியுள்ளனர்.
இதனால் நியூசிலாந்து அணிக்கு 296 ரன்கள் இலக்காக நிர்ணயிக்கப்பட்டுள்ளது.
