இந்தியாவில் நடைபெற்று வரும் புரோ கபடி தொடரில் நேற்றையப் போட்டியில் ஜெய்ப்பூர் பிங்க் பாந்தர்ஸ் அணி 15 புள்ளிகள் வித்தியாசத்தில் தமிழ் தலைவாஸ் அணியை வீழ்த்தியது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் நேற்று இரண்டு போட்டிகள் நடைபெற்றது. அதில் முதல் போட்டி பாட்னாவில் நடைபெற்றது. இதில் பாட்னா பைரேட்ஸ் – பெங்களூரு புல்ஸ் அணிகள் விளையாடின.
இதில் இரு அணிகளும் தொடக்கம் முதல் சிறப்பாக விளையாடின. இதனால் ஆட்ட நேர முடிவில் 29-29 என்ற கணக்கில் போட்டி ‘டிரா’வில் முடிந்தது.
இதனைத் தொடர்ந்து நேற்று நடைபெற்ற மற்றொரு போட்டியில் தமிழ் தலைவாஸ் – ஜெய்ப்பூர் பிங்க் பாந்தர்ஸ் அணிகள் விளையாடின.
விறுவிறுப்பாக நடைபெற்ற இந்த போட்டியில் ஜெய்ப்பூர் பிங்க் பாந்தர்ஸ் 42-27 என்ற புள்ளி கணக்கில் தமிழ் தலைவாஸ் அணியை வீழ்த்தி வெற்றி பெற்றது.
இதன்மூலம் தமிழ் தலைவாஸ் அணி புள்ளி பட்டியலில் 8வது இடத்திற்கு சரிந்தது. அதேபோல் இரண்டாவது இடத்தில் இருந்த ஜெய்ப்பூர் பிங்க் பாந்தர்ஸ் முதல் இடத்திற்கு முன்னேறியுள்ளது.
