ஹிமாச்சல பிரதேசம் மாநிலத்தில் உள்ள ஒரு அழகுசாதனத் தொழிற்சாலையில் இன்று தீ விபத்து ஏற்பட்டுள்ளது.
ஹிமாச்சல பிரதேசம், சோலன் மாவட்டத்தில், பாடியில் உள்ள ஒரு அழகுசாதனத் தொழிற்சாலையில் இன்று தீ விபத்து ஏற்பட்டுள்ளது. இதில் 19 பேர் காயமடைந்தனர் மேலும் 41 பேர் பத்திரமாக மீட்கப்பட்டனர்.
பேரிடர் மேலாண்மை மற்றும் வருவாய்த் துறையின் கூடுதல் தலைமைச் செயலாளர் ஓன்கர் சர்மா, காயமடைந்தவர்கள் வெவ்வேறு மருத்துவமனைகளில் அனுமதிக்கப்பட்டுள்ளதாக கூறினார்.
இதுகுறித்து பேசிய அவர், “என்.டி.ஆர்.எஃப் குழு சம்பவ இடத்திற்கு விரைந்து சென்றனர், சண்டியில் இருந்து ராணுவ தீயணைப்பு வாகனங்கள் விரைவில் சம்பவ இடத்திற்கு சென்றனர். தீ விபத்து ஏற்பட்ட போது தொழிற்சாலைக்குள் கிட்டத்தட்ட 60 பேர் இருந்தனர்” என்று தெரிவித்துள்ளார்.
மேலும் அவர், ” தொழிற்சாலைக்குள் இருந்த 19 பேர் காயமடைந்தனர் மேலும் 41 பேர் பத்திரமாக மீட்கப்பட்டனர். காயமடைந்தவர்கள் மருத்துவமனையில் அனுமதிக்கப்பட்டுள்ளனர். 12 தீயணைப்பு வாகனங்கள் சம்பவ இடத்திற்கு வந்து தீயை கட்டுக்குள் கொண்டுவரும் பணியில் ஈடுபட்டுள்ளன.
மாவட்ட நிர்வாகம், ஊர்க்காவல் படையினர் மற்றும் என்டிஆர்எப் என தலா ஒரு குழு சம்பவ இடத்தில் உள்ளது. போலீஸ் சூப்பிரண்டு பாடி, எஸ்டிஎம் நலகர் மற்றும் பிற மூத்த அதிகாரிகள் சம்பவ இடத்தில் உள்ளனர். துணை கமிஷனர் சோலனும் சம்பவ இடத்திற்கு வந்துள்ளார் ” என தெரிவித்தார்.
