இந்தியாவில் நடைபெற்று வரும் புரோ கபடி தொடரில் நேற்றையப் போட்டியில் உ.பி. யோதாஸ் மற்றும் தபாங் டெல்லி அணிகள் வெற்றி பெற்றது.
இந்தியாவில் உள்ள மாநிலங்களுக்கு இடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் நேற்று இரண்டு போட்டிகள் நடைபெற்றது . முதல் போட்டி டெல்லியில் இரவு 8 மணிக்கு நடைபெற்றது. இதில் யு மும்பா – உ.பி. யோதாஸ் அணிகள் விளையாடின.
இந்தப் போட்டியில் உ.பி. யோதாஸ் அணி யு மும்பா அணியை 39-23 என்ற புள்ளி கணக்கில் வீழ்த்தி வெற்றிபெற்றது.
இதை தொடர்ந்து நேற்று நடைபெற்ற மற்றோரு போட்டியில் தபாங் டெல்லி – தெலுங்கு டைட்டன்ஸ் அணிகள் விளையாடியது.
இந்தப் போட்டியில் தபாங் டெல்லி அணி 44-33 என்ற புள்ளி கணக்கில் தெலுங்கு டைட்டன்ஸ் அணியை வீழ்த்தி வெற்றி பெற்றது.
