உத்தர பிரதேச மாநிலம் கான்பூரில் கார் கட்டுப்பாட்டை இழந்து வடிகாலில் விழுந்தது. இதில், ஒரே குடும்பத்தைச் சேர்ந்த 6 பேர் பரிதாபமாக உயிரிழந்தனர்.
மத்திய பிரதேசத்தில் இருந்து ஒரு குடும்பம் காரில் இன்று உத்தரபிரதேச மாநிலம் கான்பூர் வழியாக வந்து கொண்டிருந்தது. அப்போது, ஓட்டுநரின் கட்டுப்பாட்டை இழந்த கார் அருகில் இருந்த வடிநீர் கால்வாயில் விழுந்து விபத்துக்குள்ளானது.
இந்த விபத்தில் காரில் பயணம் செய்த ஒரே குடும்பத்தைச் சேர்ந்த 6 பேர் பரிதாபமாக உயிரிழந்தனர். இரண்டு பேர் படுகாயமடைந்தனர்.
இதுகுறித்து அப்பகுதியில் இருந்தவர்கள் போலீசாருக்கு தகவல் கொடுத்தனர். தகவலின் பேரில், சம்பவ இடத்திற்கு விரைந்து வந்த போலீசார், படுகாயமடைந்த 2 பேரையும் மீட்டு, அருகிலுள்ள மருத்துவமனையில் அனுமதித்தனர்.
மேலும், உயிரிழந்த 5 பேரின் உடல்களை மீட்டு, பிரேத பரிசோதனைக்காக மருத்துவமனைக்கு அனுப்பி வைத்தனர்.
இதுகுறித்து போலீசார் வழக்குப்பதிவு செய்து விசாரணை மேற்கொண்டு வருகின்றனர்.
