19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடரின் அரையிறுதியில் இந்தியாவுக்கு 245 ரன்கள் இலக்கு.
19 வயதுக்கு உட்பட்டோருக்கான ஆண்கள் உலகக்கோப்பை கிரிக்கெட் தொடர் நடைபெற்று வருகிறது. இந்த தொடர் பிப்ரவரி 11 ஆம் தேதி வரை நடைபெறவுள்ளது.
இந்த தொடரில் லீக் சுற்று முடிவடைந்து, சூப்பர் 6 சுற்று முடிவடைந்து தற்போது அரையிறுதி சுற்று நடைபெற்று வருகிறது.
இந்நிலையில் இன்றைய முதல் அரையிறுதி போட்டியில் இந்தியா – தென் ஆப்பிரிக்கா அணிகள் விளையாடி வருகிறது.
இதில் டாஸ் வென்ற இந்திய அணி முதலில் பந்துவீச்சை தேர்வு செய்துள்ளது. அதன்படி முதலில் பேட்டிங் செய்த தென் ஆப்பிரிக்கா அணி 50 ஓவர்கள் முடிவில் 7 விக்கெட்கள் இழப்பிற்கு 244 ரன்களை எடுத்துள்ளது.
தென் ஆப்பிரிக்கா அணியில் அதிகபட்சமாக தொடக்க வீரராக களமிறங்கிய லுவான்-ட்ரே பிரிட்டோரியஸ் 6 பௌண்டரீஸ் 3 சிக்சர்கள் என மொத்தமாக 76 ரன்களை எடுத்தார்.
இதையடுத்து களம் இறங்கிய ஆலிவர் வைட்ஹெட் 22 ரன், திவான் மரைஸ் 3 ரன், ஜுவான் ஜேம்ஸ் 24 ரன் எடுத்த நிலையில் அவுட் ஆகினர்.
இறுதியில் தென் ஆப்பிரிக்க அணி நிர்ணயிக்கப்பட்ட 50 ஓவர்கள் முடிவில் 7 விக்கெட் இழப்புக்கு 244 ரன்கள் எடுத்தது. இந்தியாவில் அதிகபட்சமாக ராஜ் லிம்பானி 3 விக்கெட்டும், முஷீர் கான் 2 விக்கெட்டும் வீழ்த்தினர். பாண்டே மற்றும் திவாரி தலா 1 விக்கெட்டை வீழ்த்தினர்.
