இந்தியாவில் நடைபெற்று வரும் புரோ கபடி தொடரின் நேற்றையப் போட்டியில் தமிழ் தலைவாஸ் அணி வெற்றி பெற்றது.
இந்தியாவில் உள்ள மாநிலங்களுக்கிடையே நடைபெறும் கபடி லீக் தொடரில் மொத்தம் 12 அணிகள் பங்குபெற்று விளையாடி வருகின்றன.
இதில் பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்குபெற்றுள்ளன.
இந்நிலையில் நேற்றையப் போட்டி டெல்லியில் இரவு 8 மணிக்கு நடைபெற்றது. இந்தப் போட்டியில் தமிழ் தலைவாஸ் – உ.பி. யோதாஸ் அணிகள் விளையாடின.
இந்த போட்டியில் ஆரம்பத்தில் இருந்தே தமிழ் தலைவாஸ் அணி புள்ளிகளை பெற தொடங்கிவிட்டது. இந்தப் போட்டியில் தமிழ் தலைவாஸ் அணி 32-25 என்ற புள்ளி கணக்கில் உ.பி. யோதாஸ் அணியை வீழ்த்தி வெற்றி பெற்றது.
இந்த வெற்றி மூலம் 10வது இடத்தில இருந்த தமிழ் தலைவாஸ் அணி புள்ளிப்பட்டியில் 8வது இடத்திற்கு முன்னேறியுள்ளது. உ.பி. யோதாஸ் அணி 11வது இடத்தில் உள்ளது.
