கச்சத்தீவு திருவிழாவை மீனவர்கள் புறக்கணிக்கப் போவதாக அறிவிப்பு வெளியாகியுள்ளது.
இலங்கை கடற்படையால் கைது செய்யப்படும் மீனவர்களுக்குச் சிறை தண்டனை வழங்குவதைக் கண்டித்து நாளை முதல் தமிழக மீனவர்கள் போராட்டத்தில் ஈடுபட உள்ளனர்.
நாளை முதல் மீனவர்கள் தங்களது படகுகளில் கருப்பு கொடி கட்டி காலவரையற்ற வேலை நிறுத்த போராட்டத்தைத் தொடங்க உள்ளனர்.
வரும் 20 -ம் தேதி மீன்வளத்துறை அலுவலகத்தில் இருந்து மாவட்ட ஆட்சியர் அலுவலகம் நோக்கி பேரணி செல்லவும் மீனவர்கள் திட்டமிட்டுள்ளனர்.
மூன்று நாட்கள் பேரணியாகச் சென்று மாவட்ட ஆட்சியர் அலுவலகத்தை முற்றுகையிடப் போவதாக மீனவர்கள் அறிவித்துள்ளனர்.
