இந்தியாவில் நடைபெற்று வரும் புரோ கபடி தொடரில், நேற்றையப் போட்டியில் புனேரி பல்டன் மற்றும் பெங்களூரு புல்ஸ் அணிகள் வெற்றி பெற்றன.
இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.
இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.
தற்போது இந்த தொடர் இறுதி கட்டத்தை எட்டியுள்ளது. இந்த தொடரின் லீக் போட்டிகள் நேற்றுடன் முடிவடைந்தது.
இந்நிலையில் நேற்று இரண்டு போட்டிகள் நடைபெற்றது. இதில் முதல் போட்டி இரவு 8 மணிக்கு ஹரியானாவில் நடைபெற்றது. இதில் புனேரி பல்டன் – உ.பி. யோதாஸ் அணிகள் விளையாடின. விறுவிறுப்பாக நடைபெற்ற இந்தப் போட்டியில் புனேரி பல்டன் அணி 40-38 என்ற புள்ளி கணக்கில் உ.பி. யோதாஸ் அணியை வீழ்த்தி வெற்றி பெற்றது.
இதை தொடர்ந்து நேற்று நடைபெற்ற மற்றொரு போட்டியில் இதில் பெங்களூரு புல்ஸ் – ஹரியானா ஸ்டீலர்ஸ் அணிகள் விளையாடின. இந்த போட்டியில் பெங்களூரு புல்ஸ் அணி 53-39 என்ற புள்ளி கணக்கில் ஹரியானா ஸ்டீலர்ஸ் அணியை வீழ்த்தி வெற்றி பெற்றது. லீக் போட்டிகள் முடிவடைந்த நிலையில் வரும் 26ஆம் தேதி பிளே ஆப் சுற்று நடைபெறவுள்ளது.
