மகளிர் பிரீமியர் லீக் தொடரில் இன்றையப் போட்டியில் பெங்களூரு சின்னசாமி மைதானத்தில் ராயல் சேலஞ்சர்ஸ் பெங்களூரு – உ.பி. வாரியர்ஸ் அணிகள் விளையாடவுள்ளன.
இந்தியாவில் பெண்களுக்காக மகளிர் பிரீமியர் லீக் ( WPL ) நடைபெற்றுவருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், பெங்களூரு ராயல் சேலஞ்சர்ஸ் ஆகிய 5 அணிகள் பங்கேற்றுள்ளன.
இந்த தொடரில் இரண்டாவது போட்டி இன்று பெங்களூரு சின்னசாமி மைதானத்தில் நடைபெற்றவுள்ளது. இதில் ராயல் சேலஞ்சர்ஸ் பெங்களூரு – உ.பி. வாரியர்ஸ் அணிகள் விளையாடவுள்ளன.
இந்த போட்டியானது இரவு 7:30 மணிக்கு தொடங்கவுள்ளது. ஸ்மிரிதி மந்தனா தலைமையிலான பெங்களூரு அணி கடந்த சீசனில் 8 போட்டிகள் விளையாடி 2 வெற்றியும் 6 தோல்வியும் பெற்றுள்ளது.
அலிசா ஹீலி தலைமையிலான உ.பி அணி கடந்த சீசனில் 8 போட்டிகள் விளையாடி 4 வெற்றியும் 4 தோல்வியும் பெற்றுள்ளது.
இவ்விரு அணிகளும் இதுவரை இரண்டு முறை நேருக்கு நேர் மோதியுள்ளனர். இதில் ஒரு முறை பெங்களூரு அணியும் ஒரு முறை உ.பி. அணியும் வெற்றி பெற்றுள்ளன.
