போதை பழக்கத்தை எதிர்த்து போராட வலுவான குடும்ப அமைப்பு தேவை என பிரதமர் நரேந்திர மோடி தெரவித்துள்ளார்.
போதைப் பொருள் இல்லாத இந்தியாவை உருவாக்க, குடும்பங்கள் ஒரு நிறுவனமாக வலுவாக இருக்க வேண்டியது அவசியம் என’காயத்ரி பரிவார்’ ஏற்பாடு செய்த ‘அஸ்வமேத யாகம்’ நிகழ்ச்சி வீடியோ உரையில் பிரதமர் மோடி இவ்வாறு தெரிவித்துள்ளார்.
குடும்ப உறுப்பினர்கள் பல நாட்கள் சந்திக்காமல் இருந்தால் ஆபத்துகள் அதிகரிக்கும், எனவே, போதைப்பொருள் இல்லாத நாட்டை உருவாக்க குடும்பங்கள் வலுவாக இருக்க வேண்டும் என்றும் அவர் கூறினார்.
போதைப் பழக்கம் என்பது உயிர்களை அழித்து, சமுதாயத்திற்கும், நாட்டுக்கும் பெரும் கேடு விளைவிக்கும் ஒரு தீமை எனவும், லட்சக்கணக்கான இளைஞர்களை போதை பழக்கத்திலிருந்து விடுவித்து தேசத்தை ‘அஸ்வமேத யாகம் கட்டியெழுப்புவதாகவும் பிரதமர் மோடி தெரிவித்தார்.
இளைஞர்கள் தேசத்தின் எதிர்காலம் என்றும், பாரதத்தின் தலைவிதியை வடிவமைப்பதில் முக்கிய பங்கு வகிக்கிறார்கள், மேலும் அதன் வளர்ச்சிக்கு பங்களிக்கிறார்கள் என்றார்.
போதைப் பழக்கத்தின் பிடியில் இருந்து இளைஞர்களைப் பாதுகாக்க வேண்டியதன் அவசியத்தையும், ஏற்கனவே பாதிக்கப்பட்டவர்களுக்கு ஆதரவளிக்க வேண்டியதன் அவசியத்தையும் அவர் வலியுறுத்தினார்.
விளையாட்டு மற்றும் அறிவியலில் அரசாங்கத்தின் கவனம் குறித்து பேசிய மோடி, சந்திரயான் பணியின் வெற்றி தொழில்நுட்பத்திற்கான புதிய ஆர்வத்தைத் தூண்டியுள்ளது, இதுபோன்ற நிகழ்வுகள் இளைஞர்களின் ஆற்றலை சரியான திசையில் செலுத்துவதில் மாற்றத்தக்க தாக்கத்தை ஏற்படுத்துகின்றன என்று வலியுறுத்தினார்.
ஃபிட் இந்தியா இயக்கம் மற்றும் கேலோ இந்தியா போன்ற முன்முயற்சிகள் இளைஞர்களை ஊக்குவிக்கும் என்றும், “உந்துதல் உள்ள இளைஞர்கள் போதைப்பொருள் துஷ்பிரயோகத்தை நோக்கி திரும்ப முடியாது” என்றும் பிரதமர் கூறினார்.
