புரோ கபடி : ஹரியானா ஸ்டீலர்ஸ் அரையிறுதிக்கு தகுதி!

இந்தியாவில் நடைபெற்று வரும் புரோ கபடி தொடரில், ஹரியானா ஸ்டீலர்ஸ் மற்றும் பாட்னா பைரேட்ஸ் அணிகள் அரையிறுதி சுற்றுக்கு தகுதி பெற்றது.

இந்தியாவில் உள்ள மாநிலங்களுக்கிடையே கபடி லீக் தொடர் நடைபெற்று வருகிறது. இதில், மொத்தம் 12 அணிகள் பங்குபெற்று விளையாடி வருகின்றன.

இந்த தொடரில், பெங்கால் வாரியர்ஸ், பெங்களூரு புல்ஸ், தபாங் டெல்லி கே.சி, குஜராத் ஜெயண்ட்ஸ், ஹரியானா ஸ்டீலர்ஸ், ஜெய்ப்பூர் பிங்க் பாந்தர்ஸ், பாட்னா பைரேட்ஸ், புனேரி பல்டன், தமிழ் தலைவாஸ், தெலுங்கு டைட்டன்ஸ், யு மும்பா மற்றும் உ.பி. யோதாஸ் ஆகிய அணிகள் பங்கேற்றுள்ளன.

தற்போது இந்த தொடர் இறுதி கட்டத்தை எட்டியுள்ளது. இந்த தொடரின் லீக் போட்டிகள் கடந்த 21 ஆம் தேதியுடன் முடிவடைந்தது.

லீக் சுற்று முடிவில் புள்ளி பட்டியலில் முதல் நான்கு இடத்தில் இருக்கும் அணிகள் பிளே ஆப் சுற்றுக்கு தகுதி பெற்றது. முதல் இரண்டு இடத்தை பிடித்த ஜெய்ப்பூர் பிங்க் பாந்தர்ஸ், புனேரி பல்டன் அணிகள் நேரடியாக அரையிறுதி சுற்றுக்கு தகுதி பெற்றுள்ளது.

இந்த பிளே ஆப் சுற்று நேற்று நடைபெற்றது. நேற்று இரவு 8 மணிக்கு நடைபெற்ற முதல் எலிமினேட்டர் போட்டியில் புள்ளிகள் பட்டியலில் 3-வது இடத்தை பிடித்த டெல்லி அணி ஆறாவது இடத்தை பிடித்த பாட்னா அணியுடன் விளையாடியது.

இந்த போட்டியில் பாட்னா பைரேட்ஸ் அணி 37-35 என்ற புள்ளி கணக்கில் வெற்றி பெற்று அரையிறுதி போட்டிக்கு தகுதி பெற்றது.

தொடர்ந்து இரவு 9 மணிக்கு நடைபெற்ற 2-வது எலிமினேட்டர் ஆட்டத்தில் புள்ளிகள் பட்டியலில் 4-வது இடத்தை பிடித்த குஜராத் அணியும் ஐந்தாம் இடத்தை பிடித்த அரியானா அணியும் விளையாடியது.

இந்த போட்டியில் ஹரியானா ஸ்டீலர்ஸ் அணி 42 -25 என்ற புள்ளி கணக்கில் வெற்றி அரையிறுதி போட்டிக்கு தகுதி பெற்றது.