சத்தீஷ்காரில் ‘மிசா’ சட்டத்தில் கைது செய்யப்பட்டு சிறையில் அடைக்கப்பட்டவர்களுக்கு, நிறுத்தி வைக்கப்பட்டிருந்த ஓய்வூதியத் தொகை மீண்டும் வழங்கப்படும் என அம்மாநில முதலமைச்சர் விஷ்ணு தியோ சாய் அறிவித்துள்ளார்.
சத்தீஷ்காரில் ‘மிசா’ அவசர சட்டம் பிறப்பிக்கப்பட்டிருந்த 1975 – 1977 வரையிலான காலத்தில் கைது செய்யப்பட்டு சிறையில் அடைக்கப்பட்டவர்களுக்காக ரூ.10,000 முதல் ரூ.25,000 வரை ஓய்வூதியத் தொகை வழங்கும் வகையில், கடந்த 2008-ம் ஆண்டு பா.ஜ.க. ஆட்சியில் ஓய்வூதியத் திட்டம்,கொண்டு வரப்பட்டது.
ஆனால் கடந்த 2019-ம் ஆண்டு காங்கிரஸ் ஆட்சியில் இந்த திட்டம் நிறுத்தி வைக்கப்பட்டது.
இந்நிலையில், சத்தீஷ்கார் சட்டப்பேரவையில் பேசிய அம்மாநில முதலமைச்சர் விஷ்ணு தியோ சாய், மிசா காலத்தில் சிறையில் இருந்தவர்களுக்கான ஓய்வூதியத் திட்டம் மீண்டும் அமல்படுத்தப்படும் என்று அறிவித்தார்.
