இந்திய அணியின் வேகப்பந்துவீச்சாளர் முகமது ஷமிக்கு கணுக்காலில் அறுவை சிகிச்சை செய்யப்பட்டுள்ளதை தொடர்ந்து பாரத பிரதமர் நரேந்திர மோடி அவர் விரைவில் நலம் பெற வாழ்த்தியுள்ளார்.
இந்திய கிரிக்கெட் அணியின் முன்னணி வேகப் பந்துவீச்சாளர் முகமது ஷமிக்கு இடது கணுக்காலில் ஏற்பட்ட காயம் காரணமாக மருத்துவமனையில் அனுமதிக்கப்பட்டுள்ளார்.
மேலும் அவருக்கு கால் பாதத்தில் அறுவை சிகிச்சை செய்யப்பட்டுள்ளது. இது குறித்த புகைப்படத்தை முகமது ஷமி சமீபத்தில் வெளியிட்டு இருந்தார்.
கடந்த ஆண்டு இந்தியாவில் நடைபெற்ற ஒருநாள் உலகக் கோப்பை கிரிக்கெட் தொடரில் அதிக விக்கெட் வீழ்த்திய பவுலராக ஜொலித்தவர் ஷமி.
நியூசிலாந்து அணிக்கு எதிரான அரை இறுதிப் போட்டியில் 7 விக்கெட்டுகளை கைப்பற்றி இந்திய அணி இறுதிப் போட்டிக்கு முன்னேற உதவினார்.
ஆஸ்திரேலியாவுக்கு எதிரான ஒருநாள் உலகக் கோப்பை இறுதிப் போட்டியில் கடைசியாக இந்தியாவுக்காக விளையாடி இருந்தார். அதன்பின் இடது கணுக்கால் காயத்துக்கு சிகிச்சை பெற்றுவருகிறார்.
பிசிசிஐ-யின் கட்டுப்பாட்டில் இருக்கும் தேசிய கிரிக்கெட் அகாடமியின் கீழ் அவர் சிகிச்சை பெற்று வந்த நிலையில், இனி அறுவை சிகிச்சை செய்தே ஆக வேண்டும் என்ற நிலையில் லண்டனில் உள்ள மருத்துவமனையில் அவர் அனுமதிக்கப்பட்டு அவருக்கு “அக்கீலீஸ் டெண்டன்” எனப்படும் கால் பாதத்தில் உள்ள பிரச்சனைக்கு அறுவை சிகிச்சை செய்யப்பட்டது.
இந்த நிலையில் பிரதமர் நரேந்திர மோடி அவருக்கு விரைவாக மீண்டு வர வேண்டி தனது எக்ஸ் பக்கத்தில் பதிவு ஒன்றை வெளியிட்டுள்ளார்.
Just had a successful heel operation on my achilles tendon! 👟 Recovery is going to take some time, but looking forward to getting back on my feet. #AchillesRecovery #HeelSurgery #RoadToRecovery pic.twitter.com/LYpzCNyKjS
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) February 26, 2024
இது குறித்து பிரதமர் மோடி தனது எகஸ் பக்கத்தில், “நீங்கள் விரைவில் குணமடைந்து நல்ல ஆரோக்கியத்துடன் இருக்க வாழ்த்துகிறேன், முகமது ஷமி! உங்களுக்கு மிகவும் தேவையான தைரியத்துடன் இந்த காயத்தை நீங்கள் சமாளிப்பீர்கள் என்று நான் நம்புகிறேன்.” என பதிவிட்டுள்ளார்.
மேலும் முகமது ஷமி 2024 ஐபிஎல் தொடர் மற்றும் 2024 டி20 உலகக்கோப்பை தொடருக்குள் உடற்தகுதி பெற்று மைதானத்துக்கு திரும்புவது சந்தேகம் என கூறப்படுகிறது.
