4 வருடங்களுக்கு ஒரு முறை வரும் லீப் தினத்தை முன்னிட்டு , சிறப்பு டூடுல் வெளியிட்டு லீப் தின வாழ்த்து தெரிவித்துள்ளது கூகுள்.
கூகுள் முதல் பக்கத்தில் அன்றைய நாட்களுக்கான சிறப்பு வாய்ந்த நபர்கள், நகரம், சின்னம், முக்கிய நிகழ்வுகள் ஆகியவற்றை கௌரவப்படுத்தவும் நினைவுகூரவும் டூடுள் வெளியிவது வாடிக்கை. .
அந்த வகையில் 4 வருடங்களுக்கு ஒரு முறை வரும் லீப் தினத்தை முன்னிட்டு கூகுள் சிறப்பு டூடுலை வெளியிட்டுள்ளது.
4 ஆண்டுகளுக்கு ஒருமுறை வரும் பிப்ரவரி 29- லீப் ஆண்டாக சொல்லப்படுகிறது. இந்த தினத்தை கொண்டாடும் வகையில் கூகுள் வெளியிட்டுள்ள சிறப்பு டூடுலில், குளத்தில் தாமரை இலையில் தவளை ஒன்று வந்து தாவி அமர்வதுபோல வடிவமைக்கப்பட்டுள்ளது.
பிப்ரவரி 28-க்கும் மார்ச் 1ஆம் தேதிக்கும் இடையே பிப்ரவரி 29-ல் ஒரு தவளையின் படத்துடன் அது தாவி வந்து அமர்ந்து சிரிப்பது போல் அமைந்துள்ளது. குளத்தில் பிப்ரவரி 28 மற்றும் மார்ச்,1 உள்ளது. லீப் தேதியான 29-ம் தேதியில் தவளை குதித்து வந்து அமர்கிறது. தவளை தாவிச் செல்லும்போது பிப்ரவரி 29 மறைந்துவிடுகிறது.
மேலும், பிப்ரவரியின் போனஸ் தினம் இது என்றும் கூகுள் குறிப்பிட்டுள்ளது. லீப் டே-வை கொண்டாடுவோம் என்றும் கூகுள் தெரிவித்துள்ளது.
