சத்தியமங்கலம் அடுத்துள்ள கொண்டப்ப நாயக்கன்பாளையம் வனப்பகுதியில் யானை ஒன்று உயிரிழந்தது.
ஈரோடு மாவட்டம் சத்தியமங்கலத்தில் புலிகள் காப்பகம் உள்ளது. இந்த பகுதியில் புலி, யானை, சிறுத்தை, மான், காட்டெருமை, அரியவகை அணில்கள் மற்றும் பாம்பினங்கள் வசித்து வருகின்றன.
இதன் அருகே கொண்டப்ப நாயக்கன்பாளையம் பகுதியையொட்டி, அடர்ந்த வனப்பகுதி உள்ளது. இங்கு யானைகள் அடிக்கடி வனத்தை ஒட்டிய நெடுஞ்சாலையில் அந்த வழியாகச் செல்லும் கரும்பு லாரிகளை வழிமறிப்பது வழக்கம்.
இந்த நிலையில், வனப்பகுதியில் 13 வயது யானை ஒன்று உயிரிழந்தது. சம்பவ இடத்தில் யானையின் உடல் உடற்கூறாய்வு செய்யப்பட்டது. அதில், நுரையீரல் பாதிப்புக் காரணமாக யானை உயிரிழந்ததாகக் கால்நடத்துறை மருத்துவர்கள் தெரிவித்துள்ளனர்.
