டிஜிட்டல் இந்தியா வளர்ந்து வரும் பொருளாதாரங்களுக்கு ஒரு சிறந்த முன்மாதிரியாகும்! – பில் கேட்ஸ்

மத்திய இரயில்வே துறை அமைச்சர் அஷ்வினி வைஷ்ணவை மைக்ரோசாப்ட் இணை நிறுவனர் பில் கேட்ஸ் சந்தித்தார்.

இந்தியா வந்துள்ள மைக்ரோசாப்ட் இணை நிறுவனர் பில்கேட்ஸ் இன்றுமத்திய ரயில்வே, தகவல் தொடர்பு, மின்னணு மற்றும் தகவல் தொழில்நுட்பத் துறை அமைச்சர் அஸ்வினி வைஷ்ணாவை சந்தித்தார்.

இந்தியாவின் AI சுற்றுச்சூழல் அமைப்பு மற்றும் சுகாதாரம், விவசாயம் மற்றும் கல்வியை மேம்படுத்த அதை எவ்வாறு பயன்படுத்தலாம் என்பது குறித்து பில்கேட்ஸ் மத்திய அமைச்சருடன் கலந்துரையாடினார்.

இதற்கு முன், மைக்ரோசாப்ட் தலைமை நிர்வாக அதிகாரி, ஒடிசா முதல்வர் நவீன் பட்நாயக்குடன் விவசாயிகளின் நலன், விவசாயிகளுக்காக அரசு எடுத்துள்ள வளர்ச்சி முயற்சிகள் மற்றும் அவர்களுக்கான AI பயன்பாடு தொடர்பான பல்வேறு விஷயங்களையும் விவாதித்தார்.

இந்த சந்திப்பு குறித்து பில் கேட்ஸ் தனது எக்ஸ் பதிவில்,

“இந்தியாவின் AI சுற்றுச்சூழல் அமைப்பை, எவ்வாறு சுகாதாரம், விவசாயம் மற்றும் கல்வியை மேம்படுத்த பயன்படுத்தலாம் என்பதைப் பற்றி பேசுவதற்காக அஷ்வினி வைஷ்னாவைச் சந்தித்ததாக தெரிவித்துள்ளார்.

I met with @AshwiniVaishnaw to talk about India’s AI ecosystem and how it can be used to improve health, agriculture, and education. India’s digital public infrastructure journey is a fantastic model for emerging economies. @BMGFIndia hopes to support the Indian government’s… https://t.co/BlBUweNUGI

— Bill Gates (@BillGates) March 1, 2024

இந்தியாவின் டிஜிட்டல் பொது உள்கட்டமைப்பு பயணம், வளர்ந்து வரும் பொருளாதாரங்களுக்கு ஒரு சிறந்த முன்மாதிரியாகும்.

பில் & மெலிண்டா கேட்ஸ் அறக்கட்டளையானது திறந்த, பாதுகாப்பான மற்றும் இயங்கக்கூடிய அமைப்புகளை உருவாக்குவதற்கு இந்திய அரசாங்கத்தின் முன்முயற்சிகளை ஆதரிக்கும் என்று நம்புகிறது, அவை உள்ளடக்கிய மற்றும் வலுவான டிஜிட்டல் பொருளாதாரங்களை உருவாக்குகின்றன எனத் தெரிவித்துள்ளார்.