100வது டெஸ்ட் போட்டியில் களமிறங்கும் இந்திய வீரர் அஷ்வினுக்கு குடும்பத்தினர் முன்னிலையில் Cap-ஐ வழங்கினார் தலைமை பயிற்சியாளர் ராகுல் டிராவிட்.
இந்தியாவில் சுற்றுப்பயணம் மேற்கொண்டுள்ள இங்கிலாந்து கிரிக்கெட் அணி, 5 போட்டிகள் கொண்ட டெஸ்ட் தொடரில் விளையாடி வருகிறது. இந்த தொடரில் கடைசி டெஸ்ட் போட்டி இன்று தொடங்கியது.
இது தமிழக வீரர் ரவிச்சந்திர அஷ்வினுக்கு 100வது டெஸ்ட் போட்டியாகும். இந்நிலையில் தனது 100 வது போட்டியில் களமிறங்கும் அஸ்வினுக்கு அவர்களது குடும்பத்தினர் முன்னிலையில் பிசிசிஐ சார்பாக மரியாதை அளிக்கப்பட்டது.
அந்த வகையில் இந்திய அணி சார்பாக நூறாவது டெஸ்ட் போட்டியில் விளையாடும் 14-வது வீரராக ரவிச்சந்திரன் அஸ்வின் இந்த பெருமையை பெற்றுள்ளார்.
இதுவரை 99 போட்டிகளில் விளையாடி 507 விக்கெட்டுகளையும், 3309 ரன்களையும் விளாசியுள்ள அஸ்வினுக்கு நூறாவது டெஸ்ட் கேப்பினை இந்திய அணியின் பயிற்சியாளர் ராகுல் டிராவிட் வழங்கினார்.
அந்த நிகழ்ச்சியில் அவரது மனைவி பிரீத்தி மற்றும் அவரது இரண்டு மகள்களும் உடன் இருந்தனர் என்பது குறிப்பிடத்தக்கது.
பின்னர் அந்த பரிசளிப்பு விழாவிற்கு பிறகு தனது குடும்பத்தாருடன் புகைப்படம் எடுத்துக் கொண்ட அஸ்வின் மைதானத்திற்கு களமிறங்குவதற்கு முன்னதாக ரோகித் சர்மா கேட்டுக் கொண்டதுக்கு இணங்க அணி வீரர்கள் இருபுறமும் அரணமைத்து அஸ்வினை வரவேற்று மரியாதை செய்தனர்.
மேலும் அஸ்வின் முதல் ஆளாக மைதானத்திற்கு செல்ல பின்னால் இந்திய வீரர்கள் சென்றனர். இந்திய அணியின் கேப்டன் ரோகித் சர்மா அஸ்வினுக்கு வழங்கிய இந்த மரியாதை பலரது மத்தியிலும் நிகழ்ச்சி ஏற்படுத்தியுள்ளது.
