மகளிர் பிரீமியர் லீக் டி20 கிரிக்கெட் தொடரின் இன்றையப் போட்டியில் டெல்லி அருண் ஜெட்லி மைதானத்தில் டெல்லி கேபிட்டல்ஸ் – குஜராத் ஜெயன்ட்ஸ் அணிகள் விளையாடவுள்ளன.
இந்தியாவில் பெண்களுக்கான மகளிர் பிரீமியர் லீக் ( WPL ) நடைபெற்று வருகிறது. இந்த தொடரில் மும்பை இந்தியன்ஸ், டெல்லி கேப்பிடல்ஸ், உ.பி. வாரியர்ஸ், குஜராத் ஜெயன்ட்ஸ், ராயல் சேலஞ்சர்ஸ் பெங்களூரு ஆகிய 5 அணிகள் பங்கேற்றுள்ளன.
இந்த தொடரில் 20-வது மற்றும் கடைசி லீக் போட்டி இன்று டெல்லி அருண் ஜெட்லி மைதானத்தில் நடைபெறவுள்ளது. இதில் டெல்லி கேபிட்டல்ஸ் மற்றும் குஜராத் ஜெயன்ட்ஸ் அணிகள் விளையாடவுள்ளது.
இந்த போட்டி இரவு 7:30 மணிக்கு தொடங்கவுள்ளது. இதில் பெத் மூனி தலைமையிலான குஜராத் ஜெயன்ட்ஸ் அணி தாங்கள் விளையாடிய ஏழு போட்டிகளில் 2 போட்டியில் வெற்றி பெற்று ஐந்து போட்டியில் தோல்வியடைந்து புள்ளி பட்டியலில் ஐந்தாவது இடத்தில் உள்ளது.
அதேபோல் டெல்லி சாப்பிடல்ஸ் அணி தாங்கள் விளையாடிய 7 போட்டிகளில் 5 போட்டியில் வெற்றி பெற்று 2 போட்டியில் தோல்வி அடைந்து புள்ளி பட்டியலில் முதல் இடத்தில் உள்ளது.
இன்று நடைபெறவுள்ள இந்த போட்டியில் டெல்லி அணி வெற்றி பெற்றால் நேரடியாக இறுதிப்போட்டிக்கு முன்னேறும். ஒருவேளை டெல்லி அணி தோற்றால் ரன் ரேட் பொறுத்து டெல்லி அல்லது மும்பை அணி நேரடியாக இறுதிப்போட்டிக்கு தகுதிபெறும்.
