சென்னை மயிலாப்பூரில் உள்ள அருள்மிகு ஸ்ரீகபாலீஸ்வரர் திருக்கோவிலின் வருடாந்திர பங்குனி உத்திர பிரம்மோற்சவம் நடைபெறுகிறது.
அந்த வகையில் மார்ச் 15 –ம் தேதி காலை கிராம தேவதை பூஜையும், மாலையில் மிருத்சங்கிரஹமம், அங்குரார்பணமும், இரவு ஸ்ரீ நர்த்தன விநாயகர் வெள்ளி மூஷிக வாகனம் மற்றும் ஸ்ரீ வள்ளி தேவசேனா சமேத ஸ்ரீ சிங்காரவேலர் சுவாமி மயில் வாகனம் வீதி உலா நடைபெறும்.
மார்ச் 16 –ம் தேதி காலை, துவஜாரோஹணம் (கொடியேற்றம்) சுவாமி வெள்ளி பவழகால் விமானம் பஞ்சமூர்த்தி வீதி புறப்பாடும், இரவு புன்னை மரம், கற்பக விருக்ஷம் மற்றும் வேங்கை மரம் வீதி உலாவும், மார்ச் 17 –ம் தேதி காலை, வெள்ளி சூர்ய பிரபை வாகனம் வீதி உலாவும், இரவு வெள்ளி சந்திர பிரபை வாகனம், கிளி வாகனம் மற்றும் ஹம்ச வாகனம் வீதி உலா பவனி நடைபெறும்.
மார்ச் 18 –ம் தேதி காலையில் வெள்ளி அதிகார நந்தி, கந்தர்வி மற்றும் 107 -வது ஆண்டு கந்தர்வன் வாகன வீதி புறப்பாடும், இரவு, வெள்ளி பூத வாகனம், பூதகி மற்றும் தாரகாசூர வாகன வீதி உலாவும், மார்ச் 19–ம் தேதி காலை, வெள்ளி புருஷா மிருக வாகனம், சிங்கம் மற்றும் புலி வாகன வீதி உலாவும், இரவு நாக வாகனம், காமதேனு மற்றும் ஆடு வாகன வீதி உலாவும் நடைபெறும்
மார்ச் 20 –ம் தேதி காலை, சவுடல் விமானம் புறப்பாடும், நள்ளிரவு, வெள்ளி ரிஷப வாகனம், தங்க ரிஷப வாகனம் மற்றும் தங்க மயில் வாகனம் வீதி உலாவும், மார்ச் 21– ம் தேதி காலை பல்லக்கு-ம், இரவு யானை வாகனம் வீதி புறப்பாடு நடைபெறும்.
மார்ச் 22 –ம் தேதி காலை திருத்தேரோட்ட ஊர்வலமும், இரவு, திரும்புகழ் மற்றும் பஞ்சமூர்த்தி ஏகாந்த சேவையும், மார்ச் 23-ம் தேதி காலை, திருஞானசம்பந்தர் அங்கம்பூம்பாவை உயிர்ப்பித்தல் விழாவும், மதியம், அறுபத்துமூவர் விழாவும், இரவு, ஸ்ரீ சந்திரசேகரர் சுவாமி அஸ்வ வாகனம் பார்வேட்டை விழாவும், நள்ளிரவு, பஞ்சமூர்த்தி ஏகாந்த சேவை நடைபெறும்.
மார்ச் 24-ம் தேதி காலை, பஞ்சமூர்த்தி வெள்ளி கேடயம் வீதி புறப்பாடும், மாலை, பிக்ஷாடனர் வீதி புறப்பாடும், நள்ளிரவு பஞ்சமூர்த்தி வீதி புறப்பாடும், மார்ச் 25 –ம் தேதி திருக்கூத்தபிரான் (சின்ன நடராஜா) புறப்பாடு மற்றும் நடராஜ தீர்த்தவாரி, பஞ்சமூர்த்தி தீர்த்தவாரி புறப்பாடும், மாலை, திருகல்யாண மஹோத்சவம் தொடர்ந்து கைலாய வாகனம் வீதி புறப்பாடும், நள்ளிரவு, துவஜாவரோஹணமும் (கொடியிறக்கம்), சண்டிகேஸ்வரர் உலா நடைபெறும்.
இதேபோல, மார்ச் 26 –ம் தேதி பந்தம் பரி விழா, மார்ச் 27 -ம் தேதி முதல் ஏப்ரல் 5 -ம் தேதி வரை விடையாற்றி விழா நடைபெறும்.
மயிலாப்பூர் ஸ்ரீகபாலீஸ்வரர் திருக்கோவில் பங்குனி உத்திர பிரம்மோற்சவ விழா வெகு சிறப்பாக நடைபெறும் என்பதால், ஏராளமான பக்தர்கள் திரண்டு வந்து சுவாமி தரிசனம் செய்வர். இதனால், பங்குனி உத்திர பிரம்மோற்சவ விழா களைகட்டும்.
