எல்லைதாண்டி மீன் பிடித்ததாக கூறி, தமிழக மீனவர்கள் 15 பேரை இலங்கை கடற்படையினர் கைது செய்துள்ளனர்.
நெடுந்தீவு அருகே கடலில் தமிழக மீனவர்கள் சிலர் மீன் பிடித்துக் கொண்டு இருந்தனர். அப்போது, அங்கு வந்த இலங்கை கடற்படையினர் தமிழக மீனவர்கள் 15 பேரை கைது செய்தனர். கைது செய்யப்பட்ட மீனவர்களை காங்கேசன் நகர் துறைமுகத்திற்கு அழைத்து சென்றனர். அவர்கள் பயன்படுத்திய படகையும் உடன் கொண்டு சென்றனர்.
கடந்த சில தினங்களுக்கு முன்பு ராமேஸ்வரத்தில் இருந்து மீன் பிடிக்கச் சென்ற 22 மீனவர்களையும் அவர்களின் படகுகளையும் இலங்கை கடற்படை சிறைபிடித்தனர்.
தமிழக மீனவர்களை இலங்கை கடற்படையினர் தொடர்ந்து சட்டத்தை மீறி கைது செய்து வருவது மீனவர்கள் மத்தியில் பெரும் அதிர்ச்சி ஏற்படுத்தியுள்ளது.
