2024 ஐபிஎல் தொடரில் சன்ரைசர்ஸ் ஐதராபாத் அணிக்கு ஆஸ்திரேலிய அணியின் தொடக்க வீரரான டிராவிஸ் ஹெட் 6 ஆண்டுகளுக்கு பிறகு வந்துள்ளார்.
இந்தியன் பிரீமியர் லீக்கின் 17-வது சீசன் வரும் மார்ச் 22 ஆம் தேதி தொடங்கவுள்ளது. இதில் மொத்தமாக 10 அணிகள் பங்குபெறுகின்றன.
அதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் பங்குபெறுகின்றன.
ஐ.பி.எல். தொடருக்காக அனைத்து அணிகளும் தற்போது தங்களது வீரர்களை ஒன்றிணைத்து தீவிர பயிற்சியை மேற்கொண்டு வருகின்றன. முதல் போட்டி சென்னை சேப்பாக்கம் மைதானத்தில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையே நடைபெறவுள்ளது.
இந்நிலையில், 2024 ஐ.பி.எல். தொடரில் சன்ரைசர்ஸ் ஐதராபாத் அணிக்கு ஆஸ்திரேலிய அணியின் தொடக்க வீரரான டிராவிஸ் ஹெட் ஒப்பந்தம் செய்யப்பட்டுள்ளார். டிராவிஸ் ஹெட் 6 ஆண்டுகளுக்கு பின் ஐ.பி.எல். தொடரில் பங்கேற்கிறார். கடைசியாக 2017 ஆம் ஆண்டு பெங்களூரு அணிக்காக டிராவிஸ் ஹெட் களமிறங்கினார். அதன்பின்னர், எந்த ஐ.பி.எல். தொடரிலும் ஹெட் பங்கேற்கவில்லை.
ஐ.பி.எல். தொடரில் பங்கேற்க டிராவிஸ் ஹெட் தற்போது இந்தியா வந்துள்ளார். அவர், சன்ரைசர்ஸ் ஐதராபாத் அணியில் இணைந்து சக வீரர்களுடன் தீவிர பயிற்சியில் ஈடுபட்டு வருகிறார்.
