2024 ஐபிஎல் தொடருக்காக அவரவர்கள் அணியில் இணைந்த இந்திய அணியின் நட்சத்திர வீரர்கள்.
இந்தியன் பிரீமியர் லீக்கின் 17-வது சீசன் வரும் மார்ச் 22 ஆம் தேதி தொடங்கவுள்ளது. இதில் மொத்தமாக 10 அணிகள் பங்குபெறுகின்றன.
அதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் பங்குபெறுகின்றன.
ஐ.பி.எல். தொடருக்காக அனைத்து அணிகளும் தற்போது தங்களது வீரர்களை ஒன்றிணைத்து தீவிர பயிற்சியை மேற்கொண்டு வருகின்றன.
முதல் போட்டி சென்னை சேப்பாக்கம் மைதானத்தில் சென்னை சூப்பர் கிங்ஸ் மற்றும் ராயல் சேலஞ்சர்ஸ் பெங்களூரு அணிகளுக்கு இடையே நடைபெறவுள்ளது.
இந்நிலையில் ஐபிஎல் தொடருக்கான ராயல் சேலஞ்சர்ஸ் அணியில் இணைந்தார் இந்திய அணியின் நட்சத்திர வீரர் விராட் கோலி.
அதேபோல் மும்பை இந்தியன்ஸ் அணியின் முன்னாள் கேப்டன் ரோகித் ஷர்மாவும் அந்த அணியில் இணைந்துள்ளார்.
அதேபோல் குஜராத் அணியின் இளம் கேப்டனான சுப்மன் கில் அவர் அணியில் இணைந்துள்ளார். இதனால் கோலி மற்றும் ரோகித் ஷர்மாவின் ரசிகர்கள் மகிழ்ச்சியில் உள்ளனர்.
