2024 ஐபிஎல் தொடரின் 5-வது போட்டியில் மும்பை இந்தியன்ஸ் அணியை 6 ரன்கள் வித்தியாசத்தில் வீழ்த்தி வெற்றி பெற்றது குஜராத் டைட்டன்ஸ் அணி.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துகொண்டுள்ளன.
இந்த தொடரின் மூன்றாம் நாளான நேற்று இரண்டு போட்டிகள் நடைபெற்றது. அதில் இரண்டாவது போட்டி நரேந்திர மோடி மைதானத்தில் மும்பை இந்தியன்ஸ் மற்றும் குஜராத் டைட்டன்ஸ் அணிகளுக்கு இடையே நடைபெற்றது.
இதில் டாஸ் வென்ற மும்பை இந்தியன்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செத்த குஜராத் டைட்டன்ஸ் அணி 20 ஓவர்கள் முடிவில் 6 விக்கெட்கள் இழப்பிற்கு 168 ரன்களை எடுத்தது.
இதில் அதிகபட்சமாக தமிழக வீரரான சாய் சுதர்சன் 45 ரன்களை எடுத்து ஆட்டமிழந்தார். அதேபோல் சுப்மன் கில் 31 ரன்களும், ராகுல் 22 ரன்களும், சாஹா 19 ரன்களும் எடுத்தனர். இதனால் குஜராத் டைட்டன்ஸ் அணி 20 ஓவர்கள் முடிவில் 6 விக்கெட்கள் இழப்பிற்கு 168 ரன்களை எடுத்தது.
அதேபோல் மும்பை இந்தியன்ஸ் அணியில் அதிகபட்சமாக பும்ரா 3 விக்கெட்களும், செரால்டு கோட்சீ 2 விக்கெட்களும் வீழ்த்தினர். அதேபோல் பியூஷ் சாவ்லா 1 விக்கெட்டை வீழ்த்தினார்.
இதனால் மும்பை இந்தியன்ஸ் அணிக்கு 169 என்ற இலக்கு நிர்ணயிக்கப்பட்டது. பின்னர் களமிறங்கிய மும்பை அணியின் தொடக்க வீரரான இஷான் கிஷன் டக் அவுட் ஆனார்.
மற்றொரு தொடக்க வீரரான ரோகித் சர்மா தனது அதிரடியான ஆட்டத்தை வெளிப்படுத்தி 7 பௌண்டரீஸ் மற்றும் 1 சிக்சர் என மொத்தமாக 43 ரன்களை அடித்து ஆட்டமிழந்தார்.
பின்னர் களமிறங்கிய டெவால்ட் ப்ரெவிஸ் 46 ரன்களும், திலக் வர்மா 25 ரன்களும் எடுத்து ஆட்டமிழக்க மற்ற வீரர்கள் சொற்ப ரங்களில் ஆட்டமிழந்தனர். இதனால் மும்பை இந்தியன்ஸ் அணி 20 ஓவர்கள் முடிவில் 9 விக்கெட்கள் இழப்பிற்கு 162 ரன்களை மட்டுமே எடுத்தது.
குஜராத் டைட்டன்ஸ் அணியில் அதிகபட்சமாக உமேஷ் யாதவ், மோகித் சர்மா, ஜான்சன், அசுமத்துல்லா ஆகியோர் தலா 2 விக்கெட்களை வீழ்த்தினர். சாய் கிஷோர் 1 விக்கெட்டை வீழ்த்தினார்.
இதனால் குஜராத் டைட்டன்ஸ் அணி மும்பை இந்தியன்ஸ் அணியை 6 ரன்கள் வித்தியாசத்தில் வீழ்த்தி வெற்றி பெற்றது. மேலும் இந்த போட்டியில் தமிழக வீரரான சாய் கிஷோர் ஆட்டநாயகன் விருதை வென்றார்.
