தமிழ் திரை உலகின் சூப்பர் ஸ்டாரான ரஜினி காந்த் நடிக்கும் 171-வது படத்தின் புதிய அப்டேட் ஒன்று வெளியாக உள்ளது.
சூப்பர் ஸ்டார் ரஜினிகாந்த் தற்போது ஞானவேல் இயக்கத்தில் உருவாகி வரும் ‘வேட்டையன்’ என்ற திரைப்படத்தில் நடித்து வரும் நிலையில் இந்த படத்தின் டீசர் ஏப்ரல் 14ஆம் தேதி தமிழ் புத்தாண்டு தினத்தில் வெளியாக வாய்ப்பு இருப்பதாக கூறப்படுகிறது.
இந்நிலையில் லோகேஷ் கனகராஜ் இயக்கத்தில், சூப்பர் ஸ்டார் ரஜினி காந்த் நடிப்பில் உருவாகிவரும் திரைப்படத்திற்கு தற்காலிகமாக ‘தலைவர் 171’ என்று பெயர் வைக்கப்பட்டுள்ளது.
இந்த படத்திற்கு அனிருத் இசையமைத்துள்ளார். இந்நிலையில் தற்போது இந்த படத்தின் புதிய அப்டேட் வெளியாக உள்ளது.
அதன் படி ‘தலைவர் 171’ படத்தின் டைட்டில் போஸ்டர் ஏப்ரல் 22ஆம் தேதி வெளியாகும் என்று அறிவிக்கப்பட்டுள்ளது.
மேலும் இந்த படம் குறித்த அட்டகாசமான போஸ்டர் வெளியாகி உள்ள நிலையில் அந்த போஸ்டரில் ரஜினிகாந்த் கையில் விலங்கு இருப்பது போல் ஸ்டைலிஷ் போஸ் உள்ளது.
மேலும் பின்னணியில் காலச் சக்கரங்கள் போன்றவை இருப்பதை பார்க்கும் போது இந்த படத்தில் லோகேஷ் கனகராஜ் வித்தியாசமாக ஏதோ சொல்ல வருகிறார் என்பது தெரிய வருகிறது. இந்த போஸ்டர் ரஜினி ரசிகர்களிடையே உற்சாகத்தை ஏற்படுத்தியுள்ளது.
