ஐபிஎல் கிரிக்கெட் : லக்னோ சூப்பர் ஜெயண்ட்ஸ் வெற்றி !

2024 ஐபிஎல் தொடரின் 11 வது போட்டியில் பஞ்சாப் கிங்ஸ் அணியை 21 ரன்கள் வித்தியாசத்தில் லக்னோ சூப்பர் ஜெயண்ட்ஸ் அணி வீழ்த்தியது .

இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.

சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துகொண்டுள்ளன.

இந்தத் தொடரின் 10 வது போட்டி நேற்று லக்னோவில் உள்ள ஏகானா கிரிக்கெட் மைதானத்தில் பஞ்சாப் கிங்ஸ் மற்றும் லக்னோ சூப்பர் ஜெயண்ட்ஸ் அணிகளுக்கு இடையே நடைபெற்றது.

டாஸ் வென்ற லக்னோ சூப்பர் ஜெயண்ட்ஸ் அணி முதலில் பேட்டிங்கை தேர்வு செய்தது.  முதலில் பேட்டிங் செய்த லக்னோ சூப்பர் ஜெயண்ட்ஸ் 20 ஓவர்கள் முடிவில் 8 விக்கெட்கள் இழப்பிற்கு 199 ரன்களை எடுத்தது.

அதிகபட்சமாக தொடக்க வீரராக களமிறங்கிய குவின்டன் டி காக் 5 பௌண்டரீஸ் மற்றும் 2 சிக்சர்கள் என  38 பந்துகளில் 54 ரன் எடுத்து ஆட்டமிழந்தார்.

மற்றொரு தொடக்க வீரரான கே.எல்.ராகுல் 15 ரன்களை எடுத்து ஆட்டமிழக்க மார்கஸ் ஸ்டோய்னிஸ் 19 ரன்கள் எடுத்து ஆட்டமிழந்தார்.

பின்னர் களமிறங்கிய நிக்கோலஸ் பூரன் அதிரடியாக விளையாடி 3 சிக்சர் மற்றும் 3 பௌண்டரீஸ் அடித்து  42 ரன் எடுத்து ஆட்டமிழந்தார்.

பின்னர் களமிறங்கிய குருனால் பாண்டியா 43 ரன்களை எடுத்து கடைசிவரை ஆட்டமிழக்காமல் இருந்தார். இதனால் லக்னோ சூப்பர் ஜெயண்ட்ஸ் 20 ஓவர்கள் முடிவில் 8 விக்கெட்கள் இழப்பிற்கு 199 ரன்களை எடுத்தது.

பஞ்சாப் கிங்ஸ் அணியில் அதிகபட்சமாக சாம் கரண் 3 விக்கெட்களை வீழ்த்தினார். அதேபோல் அர்ஷீத் சிங் 2 விக்கெட்களும், ரபாடா மற்றும் ராகுல் சஹர் தலா 1 விக்கெட்களும் வீழ்த்தினர்.

இதை தொடர்ந்து களமிறங்கிய பஞ்சாப் கிங்ஸ் அணி 20 ஓவர்கள் முடிவில் 5 விக்கெட்கள் இழப்பிற்கு 178 ரன்களை மட்டுமே எடுத்து தோல்வியடைந்தது.

இதில் அதிகபட்சமாக பஞ்சாப் கிங்ஸ் அணியின் கேப்டன் ஷிகர் தவான் 7 பௌண்டரீஸ், 3 சிக்சர் என  50 பந்துகளில் 70 ரன் எடுத்து ஆட்டமிழந்தார்.

பஞ்சாப் அணியின் மற்றொரு தொடக்க வீரரான ஜானி பேர்ஸ்டோவ் 3 சிக்சர் மற்றும் 3 பௌண்டரீஸ் என  42 ரன் எடுத்து ஆட்டமிழந்தார்.

பின்னர் களமிறங்கிய வீரர்கள் சொற்ப ரன்களில் ஆட்டமிழக்க லியம் லிவிங்ஸ்டன் 28 ரன் எடுத்து ஆட்டமிழக்கமல் இருந்தார். இருப்பினும் பஞ்சாப் கிங்ஸ் அணியால் 20 ஓவர்களில் இலக்கை எட்ட முடியவில்லை.

லக்னோ அணியில் அதிகபட்சமாக க்னோ இளம் வீரர் மயங்க் யாதவ், வீசிய 24 பந்துகளில் 18 பந்துகளை மணிக்கு 145 கி.மீ வேகத்திற்கு மேல் வீசி 3 விக்கெட்களை வீழ்த்தினார். அதேபோல் குருனால் பாண்டியா 2 விக்கெட்களை வீழ்த்தினார்.

இதனால் லக்னோ சூப்பர் கெய்ன்ட்ஸ் அணி 21 ரன்கள் வித்தியாசத்தில் பஞ்சாப் கிங்ஸ் அணியை வீழ்த்தி வெற்றி பெற்றது. மேலும் இந்த போட்டியில் 3 விக்கெட்களை வீழ்த்திய மயங்க் யாதவுக்கு ஆட்டநாயகன் விருது வழங்கப்பட்டது.