சென்னை சூப்பர் கிங்ஸ் அணி விளையாடும் நான்காவது போட்டிக்கான டிக்கெட் விற்பனை குறித்த அறிவிப்பு வெளியாகியுள்ளது.
இந்தியன் பிரீமியர் லீக்கின் 17-வது சீசன் இன்று தொடங்கவுள்ளது. இதில் மொத்தம் 10 அணிகள் பங்குபெறுகின்றன.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் பங்குபெறுகின்றன.
இதில் சென்னை சூப்பர் கிங்ஸ் அணி நாளை ஐதராபாத்தில் சன் ரைசஸ் ஐதராபாத் அணியுடன் விளையாடவுள்ளது. இதை தொடர்ந்து ஏப்ரல் 8 ஆம் தேதி சென்னை சேப்பாக்கம் மைதானத்தில் சென்னை சூப்பர் கிங்ஸ் மற்றும் கொல்கத்தா நைட் ரைடர்ஸ் அணிகள் விளையாடவுள்ளது.
இந்த போட்டிக்கான டிக்கெட் விற்பனை ஆன்லைன் மூலம் நாளை காலை 9.30 மணிக்கு தொடங்கவுள்ளதாக சென்னை சூப்பர் கிங்ஸ் கிரிக்கெட் நிர்வாகம் அறிவித்துள்ளது.
டிக்கெட் விலை :
சி, டி, இ, ஸ்டாண்ட் கீழ் தளம் : ரூ.1,700
சி, டி, இ, ஸ்டாண்ட் மேல் தளம் : ரூ.3,500
ஐ, ஜெ, கே, ஸ்டாண்ட் மேல் தளம் : ரூ.2,500
ஐ, ஜெ, கே, ஸ்டாண்ட் கீழ் தளம் : ரூ.4,000
கே.எம்.கே. ஸ்டாண்ட் பால்கனி : ரூ.6,000
