குஜராத் டைட்டன்ஸ் அணிக்கு எதிரானப் போட்டியில் பஞ்சாப் கிங்ஸ் அணி 3 விக்கெட்கள் வித்தியாசத்தில் த்ரில் வெற்றி பெற்றது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்துக் கொண்டுள்ளன.
இந்த தொடரின் 17-வது போட்டி அகமதாபாத்தில் உள்ள நரேந்திர மோடி மைதானத்தில் நடைபெற்றது. இதில் குஜராத் டைட்டன்ஸ் மற்றும் பஞ்சாப் கிங்ஸ் அணிகள் விளையாடியது.
இதில் டாஸ் வென்ற பஞ்சாப் கிங்ஸ் அணி முதலில் பந்துவீச்சை தேர்வு செய்தது. அதன்படி முதலில் பேட்டிங் செய்த குஜராத் டைட்டன்ஸ் அணி 20 ஓவர்கள் முடிவில் 4 விக்கெட்கள் இழப்பிற்கு 199 ரன்களை எடுத்தது.
இதில் அதிகபட்சமாக தொடக்க வீரராக களமிறங்கிய குஜராத் அணியின் கேப்டன் சுப்மன் கில் 6 பௌண்டரீஸ் மற்றும் 4 சிக்சர்கள் என மொத்தமாக 89 ரன்களை எடுத்து கடைசிவரை ஆட்டமிழக்காமல் இருந்தார்.
அதேபோல் கேன் வில்லியம்சன் 26 ரன்களும், சாய் சுதர்சன் 33 ரன்களும் எடுத்து ஆட்டமிழக்க ராகுல் தெவாத்தியா 23 ரன்கள் எடுத்து ஆட்டமிழக்காமல் இருந்த்தார்.
இதனால் குஜராத் டைட்டன்ஸ் அணி 20 ஓவர்கள் முடிவில் 4 விக்கெட்கள் இழப்பிற்கு 199 ரன்களை எடுத்தது. பின்னர் 200 ரன்கள் எடுத்தால் வெற்றி என்ற இலக்குடன் களமிறங்கியது பஞ்சாப் கிங்ஸ் அணி.
பஞ்சாப் கிங்ஸ் அணியில் தொடக்க வீரராக களமிறங்கிய ஷிகர் தவான் 1 ரன்னில் ஆட்டமிழக்க மற்றொரு தொடக்க வீரரான ஜானி பேர்ஸ்டோ 22 ரன்கள் எடுத்து ஆட்டமிழந்தார்.
பின்னர் களமிறங்கிய பிரப்சிம்ரன் சிங் 35 ரன்களும், சிக்கந்தர் ராசா 15 ரன்களும் எடுத்து ஆட்டமிழந்தனர். அந்த சமயத்தில் ஐபிஎல் ஏலத்தில் பெயர் குழப்பத்தால் மாற்றி எடுக்கப்பட்ட பஞ்சாப் வீரர் ஷஷான்க் சிங் களமிறங்கினார்.
அதிரடியாக விளையாடிய அவர் 6 பௌண்டரீஸ் மற்றும் 4 சிக்சர்கள் என மொத்தமாக 61 ரன்களை எடுத்து கடைசி வரை ஆட்டமிழக்காமல் இருந்தார்.
அதேபோல் அசுதோஷ் ஷர்மா 31 ரன்களை எடுத்து ஆட்டமிழந்தார். இதனால் பஞ்சாப் கிங்ஸ் அணி 19.5 ஓவர்களில் 7 விக்கெட்கள் இழப்பிற்கு 200 ரன்களை எடுத்து த்ரில் வெற்றி பெற்றது.
மேலும் இந்த போட்டியில் ஐபிஎல் ஏலத்தில் பெயர் குழப்பத்தால் மாற்றி எடுக்கப்பட்ட பஞ்சாப் வீரர் ஷஷான்க் சிங்கிற்கு ஆட்டநாயகன் விருது வழங்கப்பட்டது.
