தோல்வியில் இருந்து மீளுமா டெல்லி கேபிட்டல்ஸ் அணி?

ஐபிஎல் தொடரின் இன்றையப் போட்டி லக்னோவில் உள்ள ஏகானா மைதானத்தில் லக்னோ சூப்பர் ஜெய்ண்ட்ஸ் மற்றும் டெல்லி கேபிட்டல்ஸ் அணிகளுக்கு இடையே நடைபெறவுள்ளது.

இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.

இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.

இதில் 26-வது போட்டி இன்று இரவு 7.30 மணிக்கு லக்னோவில் உள்ள ஏகானா மைதானத்தில் நடைபெறவுள்ளது. இதில் லக்னோ சூப்பர் ஜெயண்ட்ஸ் மற்றும் டெல்லி கேபிட்டல்ஸ் அணிகள் விளையாடவுள்ளது.

இவ்விரு அணிகளும் இதுவரை 3 போட்டிகளில் நேருக்கு நேர் மோதியுள்ளது. அதில் லக்னோ சூப்பர் ஜெய்ண்ட்ஸ் அணி மூன்று போட்டிகளிலும் வெற்றி பெற்றுள்ளது. டெல்லி கேபிட்டல்ஸ் அணி லக்னோ அணியிடம் இதுவரை வெற்றி பெற்றதில்லை.

நடப்பு ஐபிஎல் தொடர் பொறுத்தவரை கே.எல்.ராகுல் தலைமையிலான லக்னோ சூப்பர் ஜெய்ண்ட்ஸ் அணி தாங்கள் விளையாடிய 4 போட்டிகளில் மூன்று போட்டிகளில் வெற்றி பெற்று 1 போட்டியில் தோல்வியடைந்து புள்ளி பட்டியலில் 3 வது இடத்தில் உள்ளது.

அதேபோல் ரிஷப் பண்ட் தலைமையிலான டெல்லி கேபிட்டல்ஸ் அணி தாங்கள் விளையாடிய 5 போட்டிகளில் 1 போட்டியில் வெற்றி பெற்று 4 போட்டிகளில் தோல்வியடைந்து புள்ளி பட்டியலில் கடையில் இடமான 10வது இடத்தில் உள்ளது.

மேலும் இன்று போட்டி நடைபெறவுள்ள லக்னோ ஏகானா மைதானத்தில் லக்னோ சூப்பர் ஜெய்ண்ட்ஸ் அணி இதுவரை 9 போட்டிகளில் விளையாடியுள்ளது.

அதில் லக்னோ அணி 5 போட்டிகளில் வெற்றியும் 3 போட்டிகளில் தோல்வியும் அடைந்துள்ளது. அதேபோல் டெல்லி கேபிட்டல்ஸ் அணி ஏகானா மைதானத்தில் 1 போட்டியில் விளையாடி அதில் தோல்வியே அடைந்துள்ளது.

மேலும் இன்றையப் போட்டியில் லக்னோ சூப்பர் ஜெய்ண்ட்ஸ் அணி 58% வெற்றி பெறும் என்றும், டெல்லி கேபிட்டல்ஸ் அணி 42% வெற்றி பெறும் என்றும் இணையத்தில் பதிவிட்டுள்ளது.