ஐபிஎல் தொடரின் 29-வது போட்டி மும்பை வான்கடே மைதானத்தில் மும்பை இந்தியன்ஸ் மற்றும் சென்னை சூப்பர் கிங்ஸ் அணிகளுக்கு இடையே நடைபெறவுள்ளது.
இந்தியன் பிரீமியர் லீக்கின் 17-வது சீசன் மார்ச் 22 ஆம் தேதி தொடங்கியது. இதில் மொத்தம் 10 அணிகள் பங்குபெற்றுள்ளது.
இதில் சென்னை சூப்பர் கிங்ஸ், டெல்லி கேப்பிட்டல்ஸ், குஜராத் டைட்டன்ஸ்,கொல்கத்தா நைட் ரைடர்ஸ், லக்னோ சூப்பர் ஜெயண்ட்ஸ், மும்பை இந்தியன்ஸ், பஞ்சாப் கிங்ஸ், ராஜஸ்தான் ராயல்ஸ், ராயல் சேலஞ்சர்ஸ் பெங்களூரு, சன் ரைசர்ஸ் ஹைதராபாத் ஆகிய அணிகள் கலந்து கொண்டுள்ளன.
இன்றைய நாள் இரண்டு போட்டிகள் நடைபெறவுள்ளது. இதில் இரண்டாவது போட்டி மும்பை வான்கடே மைதானத்தில், மும்பை இந்தியன்ஸ் மற்றும் சென்னை சூப்பர் கிங்ஸ் அணிகளுக்கு இடையே நடைபெறவுள்ளது.
இவ்விரு அணிகளும் இதுவரை 36 முறை நேருக்கு நேர் மோதியுள்ளது. அதில் சென்னை மும்பை இந்தியன்ஸ் அணி 20 முறையும் சென்னை சூப்பர் கிங்ஸ் அணி 16 முறையும் வெற்றி பெற்றுள்ளது.
மும்பை வான்கடே மைதானத்தில் மும்பை இந்தியன்ஸ் அணி தாங்கள் விளையாடிய 81 போட்டிகளில் 50 போட்டியில் வெற்றியும், 30 போட்டியில் தோல்வியும் அடைந்துள்ளது.
அதேபோல் சென்னை சூப்பர் கிங்ஸ் அணி மும்பை வான்கடே மைதானத்தில் இதுவரை 24 போட்டிகளில் விளையாடியுள்ளது. அதில் சென்னை அணி 12 போட்டியில் வெற்றியும் 12 போட்டியில் தோல்வியும் அடைந்துள்ளது.
மேலும் இன்றையப் போட்டியில் மும்பை இந்தியன்ஸ் அணி 58% வெற்றி பெறும் என்றும், சென்னை சூப்பர் கிங்ஸ் அணி 42% வெற்றி பெறும் என்றும் இணையத்தில் பதிவிட்டுள்ளது.
