வாக்குப்பதிவு நாள் நெருங்கி வரும் நிலையில் தமிழகத்தில் வீடியோ கண்காணிப்பு குழுக்களின் எண்ணிக்கை அதிகரிக்கப்படும் என்று தமிழக தலைமை தேர்தல் அதிகாரி சத்யபிரதா சாகு தெரிவித்தார்
காஞ்சிபுரத்தில் 1400 கிலோ தங்கம் பிடிபட்டது தொடர்பாக வருமான வரித்துறை விசாரணை மேற்கொண்டு வருவதாக சென்னை தலைமைச் செயலகத்தில் செய்தியாளர்களிடம் பேசிய தமிழக தலைமை தேர்தல் அதிகாரி சத்யபிரதா சாகு சாகு தெரிவித்துள்ளார்.
செய்தியாளர்களிடம் பேசிய தமிழக தலைமை தேர்தல் அதிகாரி சத்யபிரதா சாகு,
17ம் தேதிக்குள் தபால் வாக்குகள் தொடர்பாக பணி அனைத்து பணிகளும் நிறைவு பெறும். தபால் வாக்கு அளிக்க விண்ணப்பித்துள்ள 61 ஆயிரம் காவலர்களின் இதுவரை 26 ஆயிரம் பேர் தபால் வாக்கு செலுத்தியுள்ளனர். தமிழகத்தை சேர்ந்த 71 ஆயிரம் ராணுவ வீரர்கள் தபால் மூலமாக வாக்களிக்க உள்ளனர். இவர்கள் தங்களின் வாக்கு சீட்டுகளை தபால் மூலமாக அனுப்பி வைக்க வேண்டும்.
சர்வீஸ் வாக்காளர்கள் என்று அழைக்கப்படும் ராணுவ வீரர்கள் அனைவரும் ஜூன் 4 தேதி காலை 8 மணிக்கு முன் தங்களின் வாக்கு சீட்டுகளை தேர்தல் நடத்தும் அதிகாரிடம் வந்து சேருமாறு தபால் மூலமாக அனுப்பி வைக்க வேண்டும்.
வாக்குப்பதிவு அன்று அனைத்து வாக்குச்சாவடி அலுவலர்களுக்கும் alphabet வரிசையில் உள்ள வாக்காளர் பட்டியல் வழங்கப்படும். வாக்காளர்கள் வாக்குச்சாவடியில் உள்ள உதவி அலுவலரிடம் தங்களது வரிசை எண் தொடர்பான தகவல்களை கேட்டு தெரிந்து கொள்ளலாம். வாக்குப்பதிவு இயந்திரங்கள் அனைத்தும் 18ம் தேதி முதல் வாக்குச்சாவடிகளுக்கு கொண்டு செல்லப்படும்.
வாக்குப்பதிவுக்கான நாள் நெருங்கி வரும் நிலையில் வீடியோ கண்காணிப்பு குழுக்களின் எண்ணிக்கை அதிகரிக்கப்பட்டுள்ளது. தேர்தல் பாதுகாப்பு பணிகளுக்காக கூடுதலாக 10 கம்பெனி துணை ராணுவ படையினர் வேண்டும் என்று டிஜிபி கோரிக்கை வைத்துள்ளார். இது குறித்து இந்திய தேர்தல் ஆணையம் முடிவு செய்யும்’ எனத் தெரிவித்தார். ஏற்கனவே தமிழகத்தில் 190 கம்பெனி துணை ராணுவ படையினர் பாதுகாப்பு பணியில் ஈடுபட்டு வருகின்றனர்.
Brinks india pvt என்ற பெயர் பெட்டியில் 1400 கிலோ தங்கம் பறிமுதல் செய்யப்பட்டுள்ளதாக காஞ்சிபுரம் மாவட்ட தேர்தல் அதிகாரி முதல் கட்ட தகவல் அளித்துள்ளார். இது தொடர்பாக வருமான வரித்துறையினர் விசாரணை நடத்த உள்ளனர். வாக்குப்பதிவு நாள் அன்று விளம்பரம் வெளியீட 17ம் தேதிக்கு முன்பாக அனுமதி பெற வேண்டும். 17ம் தேதிக்கு முன்பாக தேர்தல் ஊடக சான்று குழுவினரிடம் விளம்பரங்களை சமர்ப்பித்து அனுமதி பெற வேண்டும்.
2019 நாடாளுமன்ற தேர்தலில் 952 கோடி மதிப்பிலான ரொக்கம் மற்றும் பல்வேறு பொருட்களும், 2021 சட்டமன்ற தேர்தலில் 466 கோடி மதிப்பிலான ரொக்கம் மற்றும் பல்வேறு பொருட்கள் பறிமுதல் செய்யப்பட்டது எனத் தெரிவித்தார்.
